KHWINISANI NḒILA INE NA HUWELELA NGAYO | ENGEDZANI DAKALO ḼAṊU VHUḒINḒANI
Ṱanganedzani Thuso Ya Vhahashu
Yehova u ri thusa a tshi shumisa ‘vhahashu vhoṱhe’ vhe a ri ṋea vhone, vha tshinnani na vha tshifumakadzini. (1Pe 5:9) Vha nga ri thusa uri ri kone u kunda thaidzo dzine ra sedzana nadzo mushumoni wa u huwelela. Sa tsumbo, muapostola Paulo o thuswa nga Akwila na Prisila, Silasi, Timotheo na vhaṅwe.—Mis 18:1-5.
Vhahaṋu vha nga ni thusa hani kha mushumo wa u huwelela? Vha nga ni vhudza uri ni nga ita mini musi vhane na huwelela khavho vha sa ṱoḓi u thetshelesa. Vha nga dovha vha ni gudisa nḓila ya u ita nyendo dza u vhuyelela na nḓila ya u fara pfunzo dza Bivhili. Humbulani uri ndi nnyi ane a nga ni thusa tshivhidzoni tshaṋu nahone ni mu humbele thuso. A zwi timatimisi uri ni ḓo vhuyelwa noṱhe nahone zwa ita uri noṱhe ni takale.—Flp 1:25.
ṰALELANI VIDIO INE YA RI: ḒIPHIṊENI NGA U ITA VHAFUNZIWA—ṰANGANEDZANI THUSO YA YEHOVA—VHAHASHU, NGA MURAHU NI FHINDULE MBUDZISO DZI TEVHELAHO:
-
Neeta o lingedza u thusa hani Naki uri a ye pfunzoni?
-
Ndi ngani ri tshi tea u humbela vhahashu uri ri fare navho pfunzo dza Bivhili?
-
Zwi dzhia tshivhidzo tshoṱhe u ita mufunziwa
Naki na Vho-Abigay vho vha vha tshi takalela mini zwi fanaho?
-
Ndi vhutsila vhufhio ha u huwelela vhune vhahaṋu vha nga ni gudisa hone?
