Zwi nga ri konḓela u ṱoḓa Muvhuso wa Mudzimu na u luga hawe u thoma musi ri tshi khou konḓelwa u wana mushumo wa u ḓitshidza. Ri nga wela mulingoni wa u ṱanganedza mushumo une wa ita uri zwi konḓe u shumela Yehova kana une wa lwisana na zwine a zwi funa. Naho zwo ralo, ri nga vha na vhungoho ha uri Yehova u sumbedza nungo dzawe “a tshi itela vhe mbilu dzavho dza ḓikumedzela tshoṱhe khae.” (2Krk 16:9) A hu na tshine tsha nga thivhela Khotsi ashu wa lufuno uri a ri thuse na u ri ṋea zwine ra ṱoḓa. (Rom 8:32) Nga zwenezwo, musi ri tshi ita phetho dzine dza kwama mushumo, ri tea u fhulufhela Yehova na u livhisa ṱhogomelo kha u mu shumela.—Ps 16:8.

ṰALELANI VIDIO INE YA RI: SHUMELANI YEHOVA NGA MBILU YOṰHE, NGA MURAHU NI FHINDULE MBUDZISO DZI TEVHELAHO:

• Ndi ngani Jason a songo ṱanganedza tshanḓanguvhoni?

• Luṅwalo lwa Vhakolosa 3:23 lu ri kwama hani?

• Tsumbo ya Jason yavhuḓi yo kwama hani Thomas?

• Luṅwalo lwa Mateo 6:22 lu ri kwama hani?