Nga November, ri ḓo ḓidina vhukuma u itela u huwelela mafhungo maḓifha a uri shango ḽa khwiṋe ḽi tsini. (Ps 37:10, 11; Nzu 21:3-5) Dzudzanyani zwiimo zwaṋu uri ni kone u shela mulenzhe nga vhuḓalo kha ḽeneḽi fulo. Arali ni tshi ḓo dzhia vhuvulanḓila ha u thusa nga wonoyu ṅwedzi, ni nga khetha u shuma awara dza 30 kana dza 50.

Lugiselelani luṅwalo lune lwa amba nga ha shango ḽiswa lune na nga lu vhalela vhathu vhanzhi nga hune zwa nga konadzea ngaho. Musi ni tshi khetha luṅwalo, ni humbule uri ndi mini zwine zwa nga kwama vhathu vha tsimuni yaṋu. Arali muthu a sumbedza dzangalelo kha lwendo lwa u thoma, ni mu ṋee Tshiingamo tsha tsimu tsha No. 2 2021. Nga murahu ni vhuyelele khae nga u bonya ha iṱo nahone ni lingedze u thoma pfunzo ya Bivhili ni tshi shumisa bugwana Ḓiphiṋeni Nga Vhutshilo Lwa Tshoṱhe! Zwi a takadza nga maanḓa u huwelela nga ha “mafhungo maḓifha a zwithu zwa khwine.”—Yes 52:7.

ṰALELANI VIDIO YA LUIMBO LUNE LWA RI: SHANGONI ḼISWA, NGA MURAHU NI FHINDULE MBUDZISO DZI TEVHELAHO:

• Ṅwana a re kha vidio u khou humbula nga ha vhumatshelo ha hani?

• Ndi mini zwe na zwi lavhelela nga maṱo matswuku shangoni ḽiswa?

• U elekanya nga ha zwe na zwi lavhelela zwi nga ni thusa hani uri ni ḓilugiselele u shela mulenzhe nga vhuḓalo kha fulo ḽa November?—Luk 6:45