Zwi a ri takadza nga maanḓa u vha na bugwana na bugu ntswa ya u fara pfunzo dza Bivhili. Ri rabela uri Yehova a fhaṱutshedze vhuḓidini hashu ha u ita vhafunziwa vhanzhi. (Mat 28:18-20; 1Krt 3:6-9) Ri nga shumisa hani zwenezwi zwishumiswa zwiswa?

Bugwana na bugu Ḓiphiṋeni Nga Vhutshilo Lwa Tshoṱhe!, zwi ri ṋea nḓila ntswa ya u funza, nga zwenezwo tevhelani vhulivhisi vhu tevhelaho musi ni tshi lugiselela na u guda na mugudiswa wa Bivhili. *

• Vhalani dziphara ni haseledze dzimbudziso

• Vhalani maṅwalo o ṅwalwaho uri “vhalani” nahone ni thuse mugudiswa waṋu u pfesesa uri a nga shumisa hani zwine a khou zwi guda khao

• Tambani nahone ni haseledze vidio ni tshi shumisa mbudziso dze na ṋewa

• Musi ni tshi guda na mugudiswa, lingedzani u fhedza ngudo nthihi nga ḓuvha ḽithihi

Musi ni tsimuni, ni thome nga u ṋea muthu bugwana u itela u vhona uri u na dzangalelo naa. (Sedzani bogisi “ Nḓila Ya U Tshimbidza Bugwana Ḓiphiṋeni Nga Vhutshilo Lwa Tshoṱhe! Kha Lwendo Lwa U Thoma.”) Arali na fhedza u guda bugwana na mugudiswa nahone a vha a tshi khou ḓi ṱoḓa u bvela phanḓa na u guda, ni mu ṋee bugu yo fhelelaho, ni thome u guda kha ngudo ya vhuṋa. Arali ni tshi khou guda bugu Bivhili I Nga Ri Funza Mini? kana Ni Ḓi-vhulungele Ngomu Lufunoni Lwa Mudzimu, fhirelani kha bugu Ḓiphiṋeni Nga Vhutshilo Lwa Tshoṱhe! nahone ni khethe uri ni nga thoma ngafhi.

ṰALELANI VIDIO INE YA RI: NO ṰANGANEDZWA KHA NGUDO YAṊU YA BIVHILI, NGA MURAHU NI FHINDULE MBUDZISO DZI TEVHELAHO:

• Vhagudiswa vha Bivhili vha ḓo guda mini kha bugu ntswa?

• Ndi ngani ni tshi tea u sumbedza iyi vidio vhagudiswa vhane na khou tou thoma u guda navho?

• Ni tea u bvela phanḓa na u ṱuṱuwedza mugudiswa uri a ḓivhetshele zwipikwa zwifhio na u zwi swikelela?—Sedzani tshati “ Zwine Na Tea U Livhisa Ṱhogomelo Khazwo Na Zwipikwa Zwine Na Tea U Ḓivhetshela Zwone Kha Tshipiḓa Tshiṅwe Na Tshiṅwe.”