Kha ano maḓuvha a vhufhelo khaedu dzine ra ṱangana nadzo vhutshiloni ndi nnzhi. Samusi ri tshi khou sendela tsini-tsini na vhufhelo ha ḽino shango zwithu zwi ḓo ṋaṋa u vhifha. Ri nga ṱahelelwa nga zwiṅwe zwithu. (Hab 3:16-18) Ndi mini zwine zwa nga ri thusa u sedzana na vhuleme ha zwa ikonomi ri na fhulufhelo? Ri tea u bvela phanḓa ri tshi fhulufhela Yehova Mudzimu washu. O fhulufhedzisa uri u ḓo ṱhogomela vhashumeli vhawe, nahone a nga ri ṋea zwine ra shaya hu sa londwi vhuimo hashu.—Ps 37:18, 19; Hev 13:5, 6.

Zwine na nga zwi ita:

• Humbelani Yehova uri a ni ṋee vhulivhisi, vhuṱali na uri a ni tikedze.—Ps 62:8

• Ḓiimiseleni u ita mushumo une na nga vha ni sa athu ita.—g-E 1/10 8-9, mabogisi

• Bvelani phanḓa ni tshi vhala Ipfi Ḽa Mudzimu ḓuvha ḽiṅwe na ḽiṅwe, u ya miṱanganoni na u ya tsimuni

ṰALELANI VIDIO INE YA RI: FHAṰANI MUḒI WO KHWAṰHAHO—NI “FUSHEE NGA ZWINE ZWA VHA HONE,” NGA MURAHU NI FHINDULE MBUDZISO DZI TEVHELAHO:

• Ndi khaedu dzifhio dze miṅwe miṱa ya sedzana nadzo?

• Ndi mini tshine tsha vha tsha ndeme vhukuma vhutshiloni?

• Ri nga thusa hani vhane vha khou sedzana na vhuleme ha zwa ikonomi?