Bivhili i ri ṋea zwoṱhe zwine ra ṱoḓa u itela u konḓelela milingo kha ano a vhufhelo a konḓaho. (2Ti 3:1, 16, 17) Naho zwo ralo, nga zwiṅwe zwifhinga ri nga ṱoḓa thuso ya u wana vhulivhisi vhune ha bva Bivhili vhune ra nga kona u vhu shumisa kha zwiimo zwo fhambananaho. Sa tsumbo, naa ni mubebi ane a khou ṱoḓa thuso nga ha u alusa vhana? Naa ni muswa ane a khou lingwa lutendo? Naa ni khou pfa vhuṱungu ha u lovhelwa nga mufarisi waṋu? Kha jw.org ni nga wana vhulivhisi vhu bvaho Bivhilini vhune ha nga ni thusa u sedzana na zwenezwi zwiimo na zwiṅwe-vho.—Mir 2:3-6.

Mathomoni kha jw.org, dzhenani kha tshiteṅwa PFUNZO DZA BIVHILI. (Sedzani tshifanyiso 1) Kha mutevhe une wa bvelela, ni nange tshiteṅwa tshine na tshi takalela. Kana ni dzhene kha tshiteṅwa ḼAIBURARI > DZITHERO nahone ni nange tshiteṅwa tshine na tshi takalela. (Sedzani tshifanyiso 2) Ni nga wana zwiteṅwa zwi fanaho kha JW Library^®. a Zwi nga ni takadza u sedza dziṅwe thero kha zwenezwi zwiteṅwa. Iṅwe nḓila ine na nga wana ngayo thero dzine na khou dzi ṱoḓa ndi nga u ya kha tshibogisi tsha u setsha kha jw.org.

Thaiphani zwiṱoho zwi tevhelaho kha tshibogisi tsha u setsha, nahone ni ṅwale fhasi thero dzine na khou ṱoḓa u dzi vhala.

• U alusa vhana

• Mutsiko kha vhaswa

• U lovhelwa nga mufarisi