Vhunzhi ha vhathu a vha fhulufheli vhathu vhane vha ranga phanḓa. Ri a pfesesa uri ndi ngani. Vhathu vhanzhi vho shumisa maanḓa avho luvhi u itela u ḓivhuyedza. (Mik 7:3) Ri livhuwa vhukuma uri vhahulwane vha tshivhidzo vho gudiswa u shumisa maanḓa avho u itela u vhuyedza vhathu vha Yehova.—Esi 10:3; Mat 20:25, 26.

Vhahulwane vha tshivhidzo vho fhambana na vharangaphanḓa vha ḽino shango, ngauri vha ita mushumo wavho vha tshi ṱuṱuwedzwa nga u funa Yehova na vhathu vhawe. (Yoh 21:16; 1Pe 5:1-3) Vha tshi livhiswa nga Yesu, vhenevha vhalisa vha thusa muhuweleli muṅwe na muṅwe uri a ḓipfe e tshipiḓa tsha muṱa wa Yehova na uri a dzule e tsini na Yehova. Vha a ṱavhanya u ṱuṱuwedza nngu dza Yehova na u thusa musi hu na vhuimo ha shishi ha zwa ngalafho kana musi hu tshi vha na khombo dza mupo. Arali ni tshi ṱoḓa thuso, ipfani no vhofholowa u amba na muhulwane wa tshivhidzoni tshaṋu.—Yak 5:14.

ṰALELANI VIDIO INE YA RI: VHALISA VHANE VHA ṰHOGOMELA SAMBI, NGA MURAHU NI FHINDULE MBUDZISO DZI TEVHELAHO:

• Vho Mariana vho vhuyelwa hani nga u thuswa nga vhahulwane vha tshivhidzo?

  Phindulo yaṋu

• Vho Elias vho vhuyelwa hani nga u thuswa nga vhahulwane vha tshivhidzo?

  Phindulo yaṋu

• Nga murahu ha u ṱalela iyi vidio, ni ḓipfa hani nga mushumo une wa itwa nga vhahulwane vha tshivhidzo?

  Phindulo yaṋu