Ee, ngauri thuso ya khwinesa ri i wana kha “Mudzimu ane a khuthadza vho tsikeledzeaho.”​—2 Vhakorinta 7:6.

•   U vha ṋea nungo. Mudzimu u “khuthadza” hu si nga u fhelisa thaidzo dzaṋu dzoṱhe, fhedzi nga u fhindula thabelo dzaṋu musi ni tshi rabela na u ni ṋea maanḓa uri ni kone u konḓelela. (Vhafilipi 4:13) Ni nga vha na vhungoho ha uri u dzula o lugela u ni thetshelesa, ngauri Bivhili i ri: “Yehova u tsini na vho ṱungufhalaho; u tshidza vho kuleaho nungo.” (Phisalema 34:18) Zwi re zwone ndi uri, Mudzimu u a ni pfa musi ni tshi khou ṱoḓa thuso naho ni sa koni u bula nḓila ine na khou ḓipfa ngayo.​—Vharoma 8:26, 27.

•   U vha ṋea tsumbo dzavhuḓi. Muṅwe muṅwali wa Bivhili o rabela Mudzimu a ri: “Ndi u vhidzelela ndi ngei fhasi-fhasi.” Onoyu muphisalema o kona u sedzana na mutsiko wawe ngauri o vha a tshi zwi ḓivha uri Mudzimu u ṱoḓa u ri hangwela. O vhudza Mudzimu uri: “Arali Iwe Yehova wo vha u tshi sedza vhukhakhi, ndi nnyi we a vha a tshi ḓo ima, Iwe Yehova? Ngauri iwe u hangwela zwa vhukuma, uri u ofhiwe.”​—Phisalema 130:1, 3, 4.

•   U vha ṋea fhulufhelo. Nga nnḓa ha u ri khuthadza zwino, Mudzimu u fhulufhedzisa uri u ḓo fhelisa thaidzo dzoṱhe dzine dza ita uri ri tsikeledzee. Musi zwenezwo zwi tshi itea, “zwithu zwa kale [u katela na u tsikeledzea] a zwi tsha ḓo humbulwa, na mbiluni ya muthu a zwi tsha ḓo vha hone.”​—Yesaya 65:17.

 Ṱhogomelani: Ṱhanzi Dza Yehova vha a ṱoḓa thuso ya zwa ngalafho musi vho sedzana na mutsiko arali zwi tshi ṱoḓea, naho vha tshi zwi ḓivha uri Yehova u a vha thusa. (Marko 2:17) Naho zwo ralo, a ri vhudzi muthu uri a dzhie ngalafho ifhio, ri dzhia eneo mafhungo e ane muthu a tea u ḓiitela phetho ene muṋe.