Bivhili, ine ya dovha hafhu ya ḓivhiwa sa Maṅwalo Makhethwa, i na mafhungo manzhi a vhuṱali. Naho zwo ralo, ṱhogomelani zwine Bivhili ya zwi amba nga ha yone iṋe: “Maṅwalo oṱhe o hevhedzwa nga Mudzimu.” (2 Timotheo 3:16) Hu na vhuṱanzi vhunzhi vhu tikedzaho zwenezwo. Ṱhogomelani zwi tevhelaho:

•   A hu na na muthu na muthihi we a vhuya a bvelela kha u lwisana na ngoho ya ḓivhazwakale ya Bivhili.

•   Vhaṅwali vha Bivhili vho vha vhe vhanna vha fulufhedzeaho vhe vha ṅwala vha sa dzumbi tshithu. U fulufhedzea havho zwi ita uri zwine vha ṅwala zwi pfale zwavhuḓi uri ndi ngoho.

•   Bivhili i na tshiṱoho tshithihi tshihulwane: u lwelwa ha ndugelo ya Mudzimu ya u vhusa vhathu na u ḓadzea ha ndivho yawe ya u vhusa vhathu nga Muvhuso wawe wa ṱaḓulu.

•   Naho yo ṅwalwa miṅwahani ya zwigidi yo fhiraho, Bivhili a i na mahumbulele a saintsi o khakheaho e a vha a tshi ṱanganedzwa nga vhathu vha tshifhingani tsha kale.

•   Vhuṱanzi ha ḓivhazwakale ho vhulungwaho vhu khwaṱhisedza uri vhuporofita, kana zwo ṅwalwaho hu tshee nga phanḓa, ndi ngoho.