Vhulivhisi Nga Ha Tshiphiri

• U Ṱhonifha Mafhungo Aṋu A Tshiphiri

• Vhalangi Vha Zwidodombedzwa

• U Tsireledza Na U Dzumba Zwidodombedzwa

• Vhana

• Dziṅwe Website Dzine Ra Shumisana Nadzo

• Nḓivhadzo Ya Tshanduko Kha Honovhu Vhulivhisi

• Active Scripting kana JavaScript

Sedzani Na

• Mulayo Wa Tsireledzo Ya Mafhungo Wa Ṱhanzi Dza Yehova

• Vhulivhisi Ha Shango Ḽoṱhe Kha U Shumisa Zwidodombedzwa Zwa Vhuṋe

• Vhulivhisi Ha Shango Ḽoṱhe Kha U Shumisa Cookies Na Thekinolodzhi Dzi Fanaho

Ro ḓiimisela u tsireledza na u ṱhonifha mafhungo aṋu a tshiphiri. Hovhu vhulivhisi vhu amba nga ha nḓila ine ra ḓo shumisa zwidodombedzwa zwa vhuṋe zwe ra zwi wana kha inwi kana zwe na ri ṋea zwone musi zwi tshi swika kha website yashu. Ri vhulunga maṅwe mafhungo a mutheo musi ni tshi dalela website yashu nahone ri a ṱhogomela ndeme ya u dzumba mafhungo aṋu na u ni ḓivhadza zwine ra ḓo ita ngao. Ni nga khetha u ri ṋea zwidodombedzwa zwaṋu zwa vhuṋe. U ya nga he maipfi “zwidodombedzwa zwa vhuṋe” a shumiswa ngaho zwi ambela kha mafhungo a ngaho dzina ḽaṋu, ḓiresi yaṋu ya e-mail, ḓiresi yaṋu ya poso, nomboro dzaṋu dza luṱingo kana zwiṅwe zwidodombedzwa zwine zwa ni ṱalusa. A zwi ṱoḓei uri ni ri ṋee zwidodombedzwa zwa vhuṋe u itela u dzhena kha masiaṱari a vhomuthumunzhi a heyi website. Ipfi “website” ḽi katela heyi website na dziṅwe dzi ngaho apps.pr418.com, tv.pr418.com, stream.pr418.com na wol.pr418.com.

Heyi website i langiwa nga Watchtower Bible and Tract Society of New York, Inc. (“Watchtower”), ya New York ine ya sa wane nzwalelo, fhedzi i tikedza mushumo une wa itwa nga Ṱhanzi dza Yehova na u gudisa havho Bivhili. Arali na dzhia phetho ya u vula akhaunthu, u ṋeela, u humbela pfunzo ya Bivhili ya mahala kana zwiṅwe zwine zwa ita uri ni ri ṋee zwidodombedzwa zwa vhuṋe, ni vha ni tshi khou tendelana na honovhu vhulivhisi u katela na u vhulungwa ha zwidodombedzwa zwa vhuṋe ngei United States of America na he ra kuvhanganya, u vhekanya, u fhirisela phanḓa na u vhulungwa ha zwidodombedzwa zwaṋu zwa vhuṋe nga Watchtower na maṅwe madzangano ane ra shuma nao ane a tikedza Ṱhanzi dza Yehova kha mashango o fhamba-fhambanaho u itela u ita zwine na khou zwi ṱoḓa. Dzangano ḽa vhurereli ḽi ṱhogomela shango ḽoṱhe ḽi tshi shumisa vhathu vha henefho. U itela u tsireledza zwidodombedzwa zwa vhuṋe, zwenezwi zwi nga katela zwivhidzo zwa henefho, ofisi dza davhi na maṅwe madzangano ane a shumisana na Ṱhanzi dza Yehova.

Nḓila ine zwidodombedzwa zwaṋu zwa ḓo langiwa ngayo i a fhamba-fhambana zwi tshi ḓitika nga uri no shumisa website nga nḓila ḓe. Sa tsumbo, arali na ṋeela kha vhathu vha re mulayoni kha ḽiṅwe shango, musi ni khou ṋeela, ni ḓo ḓivhadzwa uri dzina ḽaṋu na zwidodombedzwa zwaṋu zwa vhukwamani zwi ḓo ṋewa vhenevho vhathu. Hafhu, arali na humbela pfunzo ya Bivhili, dzina ḽaṋu na zwidodombedzwa zwaṋu zwa vhudavhidzani zwi ḓo ṋewa ofisi ya davhi na tshivhidzo tsha Ṱhanzi dza Yehova zwa henefho u itela u ḓadzisa khumbelo yaṋu.

U itela u ni thusa, arali shango ḽine na dzula khaḽo ḽi na milayo ya u tsireledza zwidodombedzwa zwa vhuṋe, ni nga vha kwama nga u sedza kha siaṱari ḽa Zwidodombedzwa zwa Mulayo wa Tsireledzo ya Mafhungo.

U tsireledza na u dzumba zwidodombedzwa zwaṋu zwa vhuṋe ndi zwa ndeme vhukuma kha riṋe. Ri shumisa nḓila dza tshi zwino-zwino dza u vhulunga na u tsireledza zwidodombedzwa zwaṋu zwa vhuṋe u itela uri zwi sa shumiswe nga vhathu vha so ngo teaho, u phaḓaladzwa, u shandulwa, u thuthwa kana u xela. Vhane vha shuma u vhekanya zwidodombedzwa zwaṋu zwa vhuṋe na madzangano ane ri thusa u vhekanya zwidodombedzwa zwaṋu zwa vhuṋe vha kombetshedzea u ṱhonifha na u dzumba zwidodombedzwa zwaṋu zwa vhuṋe. Ri vhulunga zwidodombedzwa zwaṋu zwa vhuṋe lwa tshifhinga tshi ṱoḓeaho u itela zwe ra zwi dzhiela zwone na u itela musi zwi tshi nga ṱoḓea nga lwa mulayo.

Ri tsireledza zwidodombedzwa zwaṋu zwa vhuṋe musi zwi tshi khou rumelwa huṅwe fhethu nga u shumisa nḓila ya u tsireledza i fanaho na Transport Layer Security (TLS). Ri shumisa mitshini ya dzikhomphyutha ine ya si kone u shumiswa nga muṅwe na muṅwe, na zwishumiswa zwashu na nḓila yashu ya u tsireledza u itela u dzumba na u tsireledza zwidodombedzwa zwaṋu zwa vhuṋe musi zwi tshi rumelwa kha riṋe. Ri vhea zwilinganyo zwo khwaṱhaho zwa vhutsireledzi u itela u thivhela u shumiswa nga vhathu vha songo teaho.

Arali ni tshi dzhiiwa sa ṅwana kha shango ḽine na vha khaḽo, ni nga dzhenisa zwidodombedzwa zwaṋu zwa vhuṋe kha website yashu, fhedzi nga thendelo ya vhabebi kana muthu ane a ni ṱhogomela. Arali ni mubebi kana muṱhogomeli nahone na tendela ṅwana u dzhenisa zwidodombedzwa zwa vhuṋe kha website, ni vha ni tshi khou tendela ṅwana u tshimbidzana na honovhu vhulivhisi.

Nga tshiṅwe tshifhinga website yashu i nga ni isa kha dziṅwe website dze ra dzi humbela u ri itela miṅwe mishumo (sa tsumbo, u ḓadziwa ha dzi fomo). Ni ḓo zwi ṱhogomela uri no no vha kha website ya vhane ra shumisana navho ngauri mbonalo i ḓo vha i sa fani na ya website yashu, nahone ḓiresi ya website i ḓo vha yo no shanduka. Musi ri tshi khetha website dzine ra shumisana nadzo, ri ita ṱhoḓisiso u itela u vhona arali vha tshi shumisa zwilinganyo zwa vhulivhisi ha u tsireledza na u dzumba zwidodombedzwa zwa vhuṋe zwi fanaho na zwashu. Arali ni na mbudziso nga ha vhulivhisi ha website dzine ra shumisana nadzo, ri humbela uri ni sedze mutevhe wa vhulivhisi u re hone kha website dzenedzo.

Ri dzula ri tshi khwinifhadza na u engedza zwishumiswa na nḓila ya u shumisa heyi website. Nga nṱhani ha dzenedzi tshanduko, na tshanduko dza mulayo, na dza thekinolodzhi, vhulivhisi hashu vhu ḓo shanduka nga zwiṅwe zwifhinga. Musi tshanduko dza vhulivhisi dzi tshi ṱoḓea, ri ḓo ni ḓivhadza, nga u zwi vhea kha ḽeneḽi siaṱari u itela uri ni dzule ni tshi ḓivha uri ri dzhia zwidodombedzwa zwifhio nahone ri zwi shumisa hani.

Scripting tshi shumiswa u khwinifhadza nḓila ine website yashu ya shuma ngayo. Thekinolodzhi ya Scripting i ita zwa uri website i ni fhe mafhungo nga u ṱavhanya. Scripting a tshi shumiswi u dzhenisa software kha khomphyutha yaṋu kana u dzhia zwidodombedzwa zwaṋu ni songo ṋea thendelo.

Active Scripting kana JavaScript i fanela u vha yo dzheniswa kha inthanethe u itela uri website i shume zwavhuḓi. Zwishumiswa zwinzhi zwa inthanethe zwi a kona u tendela kana u hanela Active Scripting kana JavaScript kha dziṅwe website. Ṱoḓani thuso uri ni gude uri ni tendela hani scripting kha website dzo nangiwaho.