Ndangulo ya Ṱhanzi dza Yehova i ṱhonifha pfanelo dza vhathu dza uri vha vhe na tshiphiri zwo thewa kha maitele o ṅwalwaho Bivhilini. Ndangulo i a ṱhogomela uri ndi zwa ndeme u vha na vhudavhidzano havhuḓi na u kuvhanganya mafhungo a muthu nga eṱhe na a tshiphiri u itela u ṱhogomela zwishaiwa zwa Ṱhanzi dza Yehova na u khunyeledza mushumo wavho wa vhurereli na wa u thusa vhathu na ṱhoḓea ya u vhulunga tshiphiri na u ita vhungoho ha uri eneo mafhungo ha phaḓaladzwi. (Mirero 15:22; 25:9) U vhulunga tshiphiri zwi dzhielwa nṱha vhukuma.​—Mirero 20:19.

Mashango manzhi o vhea milayo ya uri hu itwe vhungoho ha uri vhathu vha dzule vhe na pfanelo ya uri mafhungo avho a vhe tshiphiri. Ndi kale ndangulo ya Ṱhanzi dza Yehova i tshi ṱhonifha pfanelo ya uri mafhungo a vhathu a vhulungwa e tshiphiri, hu sa athu vhewa yeneyo milayo ine ya ṱoḓa uri mafhungo a vhathu a vhulungwe e tshiphiri. Ndangulo ya Ṱhanzi dza Yehova i ḓo bvela phanḓa i tshi tsireledza mafhungo ane ya a wana u tendelana na maitele ayo a kale, o ṅwalwaho kha wonoyu mulayo.

Hoyu mulayo u shuma kha ndangulo yoṱhe ya Ṱhanzi dza Yehova, ine ya imelwa nga ofisi dza madavhi dzi wanalaho u mona na shango.

Ndangulo ya Ṱhanzi dza Yehova i ṱhogomela mafhungo oṱhe a muthu nga eṱhe u tendelana na maitele a tevhelaho:

1. Mafhungo a muthu nga eṱhe a ḓo vhulungwa nga nḓila yavhuḓi i tendelanaho na mulayo.

2. Mafhungo a muthu nga eṱhe a ḓo kuvhanganywa, a vhulungwa nahone a shumiswa nga nḓila i ṱoḓeaho fhedzi, u itela u khunyeledza ndivho dza Ṱhanzi dza Yehova dza vhurereli na dza u thusa vhathu.

3. Mafhungo a muthu nga eṱhe a ḓo dzula o tea nahone e tshifhingani. Vhukhakhi naho vhu vhufhio vhu ḓo lugiswa nga u ṱavhanya musi ndangulo i tshi tou ḓivhadzwa.

4. Mafhungo a muthu nga eṱhe a ḓo vhulungwa lwa tshifhinga tshine tsha ṱoḓea fhedzi, u tendelana na ndivho ya ndangulo kana ndivho dza ndangulo.

5. Ṱhogomelo yo teaho i ḓo ṋewa u itela u ṱhonifha pfanelo dza vhaṋe vha mafhungo.

6. Hu ḓo dzhiiwa vhukando ha lwa thekiniki na ha ndangulo u itela u thivhela u vhudza vhathu vha songo teaho kana vha songo tendelwaho nga mulayo u ḓivha mafhungo a tshiphiri a vhaṅwe vhathu. Mafhungo oṱhe a muthu a tshiphiri o vhulungwa kha khomphyutha dzo tsireledzwaho nga password dzine dza ḓivhiwa nga vhashumisi vhadzo fhedzi. Ofisi dzi a khiṋwa nga tshifhinga tshi si tsha mushumo nahone hu dzhena vhashumi vho tendelwaho fhedzi.

7. Mafhungo a muthu nga eṱhe a nga si pfukiselwe kha maṅwe madavhi nga nnḓa ha musi zwi tshi ṱoḓea u itela u khunyeledza ndivho dza vhurereli kana dza u thusa vhathu dza ndangulo ya Ṱhanzi dza Yehova, ye Ṱhanzi dza Yehova vhoṱhe vha tenda vho vhofholowa na nga u ḓifunela u vha miraḓo na u ḓiṱalula sa Ṱhanzi dza Yehova.

1. Pfanelo ya muṋe wa mafhungo ya u tsireledza mafhungo awe a tshiphiri, u a khakhulula kana u a thutha, i ḓo ṋewa u tendelana maitele a Ṱhanzi dza Yehova o ṅwalwaho kha wonoyu mulayo.

2. Naho e ufhio ane a ita khumbelo u tendelana na tshenetshi tshipiḓa u tea u ṋea vhuṱanzi vhu fushaho vhune ha mu ṱalula.

3. Arali muṋe wa mafhungo a tshi khou ṱoḓa vhona mafhungo awe a tshiphiri u itela u a khakhulula kana u a thutha, ndangulo i ḓo mu ṋea thendelo i ḓo linganyisela madzangalelo a zwine onoyo muthu a zwi ṱoḓa u itela u vhona kana u khakhulula kana u thutha mafhungo awe, na madzangalelo a lwa mulayo a ndangulo, u katela na u ṱhogomela arali u ṋea yeneyo thendelo zwi tshi ḓo vhea khomboni pfanelo ya ndangulo ya u ita mishumo ya vhurabeli nga mbofholowo.

4. Ndangulo i ṱoḓa u vhulunga lwa tshoṱhe mafhungo a vhuimo ha muthu sa muṅwe wa Ṱhanzi dza Yehova. U thutha mafhungo o raloho zwi ḓo thithisa nḓila ine ndangulo ya ita ngayo pfunzo na mishumo yayo ya zwa vhurereli.

Arali muthu a tshi tenda uri pfanelo dzawe dzo pfukiwa, a nga isa mbilaelo dzawe kha Komiti ya Davhi nga tou ṅwala vhurifhi. Honoho vhurifhi vhu tea u iswa hu sa athu fhela vhege mbili nga murahu ha mbilaelo yawe.