Nela so carta a Tito, el apòstolo Paolo l’è stà ispirà a scriver che i gióveni, e anca Tito, i ga de sforsarse de far el so meio par deventar un esémpio de “òpere bone in tuto”. (Tito 2:6, 7) Dopo, nel medèsimo capìtolo, lu el ga dito che Gesù el gavaria purificà el pòpolo de Geovà, cossita lori i podea far “òpere bone con zelo”. (Tito 2:14) Una de queste òpere bone la ze predicar e insegnar sora el Regno de Dio. Sito un gióveno? Alora, te pol doperar la to energia par esser un pioniero ausiliar o regolar? — Proverbi 20:29.

Te piaseria esser un pioniero? Alora, te ghè de programarte. (Luca 14:28-30) Par esémpio, sito bon de pagar ti sol le to spese intanto che te sì un pioniero? Come che te sarè bon de far tute le ore che el ga de far un pioniero? Domàndaghe a Geovà de giutarte. (Salmo 37:5) Parla dei to ogetivi coi to genitori e coi pionieri che i ga de pi speriensa. Dopo, sfòrsate par far quel che te ghè programà. Sicuro che Geovà el ndarà benedir i to sforsi!

VARDA EL VÌDEO GIÓVENI CHE I DÀ ONOR A GEOVÀ, E DOPO RISPONDI A QUESTE DOMANDE:

• Che dificoltà i ga bio tanti che i volea deventar pionieri? Ma come che i ze stati boni de deventar pionieri?

• Come che i genitori i pol giutar i fioi a deventar pionieri regolari?

• Parché che l’è importante gaver una bona programassion?

• Come che noantri podemo incoraiar e giutar i pionieri?

• Che benedission i riceve quei che i serve come pionieri?