Parché che ghemo de passar el nostro tempo con quei che i ama a Geovà? Parché le persone che stemo insieme le pol influensarne tanto par far robe bone quanto par far robe sbaliade. (Proverbi 13:20) Par esémpio, el rè Geoàs el ga fato quel che l’era “giusto ai oci de Geovà” fin che l’era col somo sasserdote Geoiada. (2 Cróniche 24:2) Dopo che Geoiada l’è morto, Geoàs el ga abandonà Geovà par causa dele brute compagnie. — 2 Cróniche 24:17-19.

El apòstolo Paolo el ga comparà la congregassion a “una casa granda” e i fradei dela congregassion a “vasi rento la casa”. Noantri volemo seitar a esser vasi che “se dopera con onor”. Come? Ghemo de no passar pi tempo de quel che ghe vol con persone che no fà quel che Dio el vol, anca se l’è un parente o un fradel dela congregassion. (2 Timòteo 2:20, 21) Pitosto, ghemo de scòlier amighi che i ama a Geovà e che i ne giuta a servirlo.

VARDA EL VÌDEO IMPARA A STAR LONTAN DELE BRUTE COMPAGNIE, E DOPO RISPONDI A QUESTE DOMANDE:

• Come che podemo star con brute compagnie sensa nicorderse?

• Cossa che ga giutà i fradei del vìdeo a slontanarse dele brute compagnie?

• Che testi dela Bìblia i pol giutarte a scòlier ben i to amighi?