VIVEMO COME GESÙ
Come far meio la nostra predicassion — Càmbia la to maniera de predicar par cada persona
PARCHÉ CHE L’È IMPORTANTE: I untadi e le altre piégore i ze drio convidar persone de tuti i tipi par ‘bever la àqua dela vita sensa pagar gnente’. (Apocalisse 22:17) Questa àqua la rapresenta tuto quel che Geovà el fà e el ga fato par risgatar le persone obediente del pecato e dela morte. Par esser boni de giutar persone de religion e costumi difarenti, ghemo de parlar dele “bone notìssie” de una maniera interessante par cada persona. — Apocalisse 14:6.
COME FAR:
-
Scoli quel che te vol dir e un testo dela Bìblia che toca el cuor dele persone del to teritòrio. Te pol doperar una idea par parlar sora la Bìblia che te cati nela Programassion par la Riunion o nantra idea che la vae ben. Cossa che le persone le ghe piase de parlar, e che testi dela Bìblia i ze boni nel to teritòrio? Le persone le ze drio parlar de qualcossa che ga sucedesto? Cossa che saria meio parlar con un omo e con una dona?
-
Te ghè de parlar e saludar le persone del to teritòrio come che lore le fà. — 2 Corinti 6:3, 4
-
Cognossi ben le Prinsipai publicassion e vìdei par insegnar, cossita te pol doperarli con persone che le dimostra interesse.
-
Sbassa le publicassion e i vìdei nele léngue dele persone che ghen’è nel to teritòrio.
-
Càmbia quel che te parli de acordo con quel che ghe interessa ala persona. (1 Corinti 9:19-23) Par esémpio, cossa te diria a una persona che la ga pena perso qualchedun nela morte?
VARDA EL VÌDEO, E DOPO RISPONDI A QUESTE DOMANDE:
-
De cossa che el predicador el ga scominsià a parlar cola persona?
-
Cossa che l’era drio suceder nela vita del paron de casa?
-
Che testo dela Bìblia l’è stato bon de doperar in questa situassion? Parché?
-
Come che te pol cambiar la to presentassion de una maniera interessante par le persone del to teritòrio?