VIVEMO COME GESÙ
Seita spetar premoso con perseveransa
Fà quanto tempo che te speti che rive el Regno de Dio? Sito drio spetar con perseveransa e passiensa anca se te infronti dificoltà? (Romani 8:25) Tanti dei nostri fradei i infronta òdio, i ze maltratadi, i ze metesti in prision o i ze fin minassadi de morte. Tanti i infronta anca altre robe difìcili come brute malatie o le dificoltà de quando i deventa veci.
Cossa che pol giutarne a spetar premosi quando che infrontemo dificoltà? Noantri ghemo de leder la Bìblia tuti i giorni e pensarghe sora con atension par far pi forte la nostra fede. Ghemo de consentrarse nela nostra speransa. (2 Corinti 4:16-18; Ebrei 12:2) Ghemo de far sùpliche a Geovà in orassion e domandarghe el poder del so spìrito santo. (Luca 11:10, 13; Ebrei 5:7) El nostro Pare amoroso el pol giutarne par “perseverar con passiensa e alegria”. — Colossensi 1:11.
VARDA EL VÌDEO “COREMO CON PERSEVERANSA” — NO GÀPIA DUBI CHE TE VÈ GUADAGNAR EL PRÈMIO , E DOPO RISPONDI ALE DOMANDE:
-
Che robe podaria suceder de colpo nela vita? (Eclesiasti 9:11)
-
Come che la orassion la pol giutarne a infrontar le dificoltà?
-
Se no semo boni de far come una volta nel servìssio a Geovà, parché che l’è bon consentrarse sora quel che semo ancora boni de far?
-
Cossa che te giuta a esser sicuro che te vè guadagnar el prèmio?