Che dificoltà te ghè de infrontar tuti i giorni? Sito un paron de fameia che el ga de tender de tante responsabilità? Sito drio slevar i to fioi ti sol e te toca laorar tanto par mantegner la fameia? Gheto coleghi de scola che i seita riderte drio? Sito drio tribolar par causa dela to salute o parché te sì drio vegner vècio? Tuti noantri ghemo qualche dificoltà. E tanti fradei i infronta diversi problemi de un colpo sol. Magari, savemo che suito Geovà el va libertarne de questi problemi. — 2 Cor. 4:16-18

Che bon che l’è saver che Geovà el capisse ben quel che semo drio infrontar, mia vera? Lu el resta tanto contento che seitemo perseverar e esser leai. Par quela gavaremo tante benedission nel futuro. (Ger. 29:11, 12) Anca Gesù el se interessa tanto par cada un de noantri. Intanto che semo obedienti ale so orientassion, podemo esser sicuri de quel che Gesù el ga dito: “Sarò insieme con valtri.” (Mat. 28:20) Quando se fermemo par pensarghe sora la libertà che gavaremo nel Regno de Dio, la nostra speransa la resta pi forte e saremo ancora pi dessididi a perseverar. — Rom. 8:19-21

VARDA EL VÌDEO CONSÉNTRATE IN GESÙ INTANTO CHE LA GRANDA TEMPESTA LA RIVA! — FUTURE BENEDISSION DEL REGNO, E DOPO RISPONDI A QUESTE DOMANDE:

• Come che le persone le se ga slontanà de Dio? Qual che l’è stà el resultà?

• Che benedission le persone fedele a Geovà le gavarà nel futuro?

• Parché che podaremo gaver questo bel futuro?

• Che promesse de Geovà te sì premoso de veder nel futuro?