Parché che te ghè de parlar coi to genitori quel che te pensi? (Pro. 23:26) Parché Geovà el ghe ga dato la responsabilità de tenderte e darte orientassion. (Sal. 127:3, 4) Ma, sarà fadiga par i to genitori giutarte se no i sà quel che te sì drio infrontar e quel che te senti. Fursi lori i ga belche infrontà i medèsimi problemi che ti. Alora, te pol imparar tanto con lori. Dele volte, ghen sarà qualcossa che te cati meio no parlar a nissuni. Ma stà atento de no imbroiar to pare e to mare. — Pro. 3:32

Come che ti te pol parlar coi to genitori? Proa parlar nte una ora che va ben par ti, ma anca par lori. Ma se te cati fadiga parlar quel che te senti, proa scriver. E se lori i vol parlar con ti de qualcossa che te assa con vergogna, ricòrdate che lori i vol giutarte e che i ze to amighi. Se te fè sforso par verder el cuor par i to genitori, questo ndarà giutarte par tuta la to vita! — Pro. 4:10-12

VARDA EL VÌDEO VITA DE TOSI — COME PARLAR CON ME PARE E ME MARE?, E DOPO RISPONDI A QUESTE DOMANDE:

• Cossa che Esther e Partik i se ga nicorti che i gavea de cambiar?

• Cossa che ti te pol imparar col esémpio de Gesù?

• Come che to pare e to mare i ga tendesto de ti?

• Che prinsipi dela Bìblia i pol giutarte a parlar coi to genitori?