In questi ùltimi giorni, noantri tribolemo tanto e, dele volte, pol esser che pensemo che no saremo boni de dàrghene fora. Ma se noantri seitemo a far pi forte la nostra amicìssia con Geovà, lu el ne giutarà a infrontar anca i problemi pi difìcili. (Isa. 43:2, 4) Alora, come che podemo far pi forte la nostra amicìssia con Geovà quando infrontemo problemi?

Orassion. Quando parlemo a Geovà tuto quel che sentimo, lu el ne dà pace e forsa par seitar a ndar avanti. — Fil. 4:6, 7; 1 Tes. 5:17

Riunion. Pi che altro, ghemo tanto de bisogno dela orientassion dela Bìblia e dela bona compagnia che Geovà el ne dà par meso dele nostre riunion. (Ebr. 10:24, 25) Quando noantri se pareciemo vanti, ndemo ale riunion e anca partissipemo, Geovà el ne giutarà col so spìrito santo. — Apo. 2:29

Predicassion. Se noantri se sforsemo par far el nostro meio nela predicassion, sarà pi fàcile pensar sol in robe bone. Quando semo drio predicar, femo pi forte la nostra amicìssia con Geovà e con quei che i laora con noantri. — 1 Cor. 3:5-10

VARDA EL VÌDEO GEOVÀ EL NDARÀ TENDER DE TI, E DOPO RISPONDI A QUESTE DOMANDE:

• Cossa che ga giutà Malu a seitar esser amiga de Geovà quando la ga infrontà dificoltà?

  La to risposta:

• El Salmo 34:18 el ga consolà Malu. Come che questo testo el pol giutarne quando infrontemo dificoltà?

  La to risposta:

• Come la speriensa de Malu mostra che Geovà el ne dà el “poder che l’è pi grando del normal” quando noantri tribolemo? — 2 Cor. 4:7

  Your answer