In genaro de 2018 la Programassion par la Riunion Vivemo e Insegnemo la ga scominsià a gaver la session Idee par parlar sora la Bìblia nela prima pàgina. Come che ghemo de doperarla?

Nele parte de studiante: Te ghè de doperar le domande e el testo dela session Idee par parlar sora la Bìblia. Ma, no ocore mia dir le medèsime parole del vìdeo. Te pol cambiar arquante robe: el posto che te cati el paron de casa, la maniera che te scominsi a parlar, la maniera che te spieghi el testo e cossita avanti. Anca se no l’è scrito nela istrussion dela parte, te pol doperar una publicassion dele Prinsipai publicassion e vìdei par insegnar.

Nela predicassion: Le Idee par parlar sora la Bìblia le ne giuta a saver quel che podemo parlar nela predicassion. Se la persona la dimostra interesse e la vol saver de pi, no bisogna mia spetar fin la pròssima vìsita. Te pol seitar parlar con ela in quela ora lì, doperando la idea dela pròssima vìsita. Anca, no ocore far pròpio compagno ala idea nela Programassion, ma te pol doperar altre idee. Sarà che ndaria meio nel to teritòrio la idea de nantro mese o nantro testo? Ghen’è una notìssia o ga sucedesto qualcossa che pol interessar de pi ale persone? Te pol scòlier ti quel che te cati che ndarà meio nel to teritòrio. El nostro ogetivo l’è de parlar dele bone notìssie a tute le persone. — 1 Cor. 9:22, 23