Quando volemo far de pi par Geovà, doperemo ben la nostra forsa. (1 Cor. 9:26) Cossita, saremo boni de doperar ben el nostro tempo vanti che vegna el fin. (Efe. 5:15, 16) Nela adorassion in fameia, parlé sora come podé far de pi par Geovà nel pròssimo ano de servìssio. La Programassion dela Riunion de questo mese la ga diversi artìcoli che pol darve una idea de come far de pi. Preghé che Geovà el ve giute a meter in pràtica queste sugestion. — Tiago 1:5

Sarà che podé giutarve par al manco un dela vostra fameia esser pioniero regolar? Se te cati che no te sarè bon de far le ore, parla con altri pionieri che i ga una situassion someiante ala toa. (Pro. 15:22) Podé convidar par la vostra adorassion in fameia qualchedun che l’è pioniero e intervistarlo. Fà una programassion che saria bona par ti e metila par scrito. Se te sì stà pioniero nel passà, pensa se te pol laorar come pioniero nel pròssimo ano de servìssio.

Sarà che ti o qualchedun dela to fameia pol laorar come pioniero ausiliar nel pròssimo ano de servìssio par un mese o de pi? Se no te ghè tanta forsa, te pol predicar un pochetin tuti giorni. Ma se te vè ala scola o te laori tuti giorni e no te ghè tanto tempo, te pol scòlier un mese che ghen’è feriado o sinque finai de stimana. Toleve tempo par parlarse in fameia sora come valtri podé far de pi par Geovà nel pròssimo ano de servìssio. Ciapa un marca giorni e scrivi lì i mesi che te pol laorar come pioniero ausiliar. — Pro. 21:5

VARDA EL VÌDEO SÌPIA UN CORAIOSO — PIONIERO, E DOPO RISPONDI A QUESTA DOMANDA:

• De acordo cola speriensa dela gióvena, come savemo che Geovà el ama e giuta quei che i fà sacrifissi par esser pionieri?