VIVEMO COME GESÙ
‘Difendemo le bone notìssie e la libertà de predicar’
Quando i opositori i ga proà far che i israeliti no i rangiesse su el témpio, quei che i era drio laorar i ze ndati drio dei so diriti par seitar a far la costrussion. (Esd. 5:11-16) Anca i servi de Dio ancoi i fà tuto quel che i pol par difender le bone notìssie e la so libertà de predicar. (Fil. 1:7) Par quela, nel ano 1936, l’è stà creà nela sede mondial un departamento che ancoi el ga nome Departamento par difender i diriti dela organisassion. Questo departamento el giuta el pòpolo de Dio a difender el laoro del Regno in tuto el mondo. Come che l’è fato questo laoro?
VARDA EL VÌDEO VÌSITA AL DEPARTAMENTO PAR DIFENDER I DIRITI DELA ORGANISASSION, E DOPO RISPONDI A QUESTE DOMANDE:
-
Che dificoltà le Testimònie de Geovà le infronta cola lege?
-
Che vitòrie nei tribunai ghemo bio? Parla de un esémpio.
-
Come che cada un de noantri pol giutar a ‘difender le bone notìssie e la libertà de predicar’?
-
Nel nostro site, ghen’è informassion sora i casi de tribunai del pòpolo de Dio e i nomi de Testimònie de Geovà che le ze in preson par causa dela so fede. Ndove che podemo catarli fora?
