La dissiplina la pol esser insegnar e trenar o anca coreger e castigar una persona. Geovà el dissiplina i so servi parché el vol che i lo adore dela meio maniera. (Rom. 12:1; Ebr. 12:10, 11) Pol esser bruto esser dissiplinà, ma la dissiplina la ne giuta a contentar Geovà e a gaver le so benedission. (Pro. 10:7) Come che quei che i dà la dissiplina i pol far questo de una maniera giusta? Cossa che qualchedun che l’è dissiplinà el ga de ver in mente?

Quel che el dà la dissiplina pol esser un ansiano, un pare o nantra persona, ma el ga de farlo con amor e bontà, come Geovà el fà. (Ger. 46:28) Ancora che sìpia una dissiplina sèria, par una roba bruta, sempre la ga de esser con amor. — Tito 1:13

Quel che l’è dissiplinà el ga de acetar la dissiplina e far i cambiamenti suito. (Pro. 3:11, 12) Tuti semo imperfeti, alora ne ocorerà qualche dissiplina. Podemo esser dissiplinadi par meso de quel che ledemo ntela Bìblia o scoltemo ntele riunion. Anca, pol esser che ghe tocarà ai ansiani darne la dissiplina. Se acetemo la dissiplina de Geovà, saremo pi felice adesso e par sempre. — Pro. 10:17

VARDA EL VÌDEO “GEOVÀ EL DISSIPLINA QUEI CHE LU EL AMA”, E DOPO RISPONDI A QUESTE DOMANDE:

• Come che el fradel Canon l’è stà slevà su? Cossa che ga sucedesto dopo?

• Come che Geovà lo ga dissiplinà de maniera amorosa?

• Che lession gheto imparà cola speriensa del fradel Canon?