L’è fadiga controlar le nostre voie parché semo imperfeti. Se femo le robe come volemo, podemo disgustar Geovà. Par esémpio, arquanti i assa che el so amor par el magnar, par le robe de vestir e par un posto de star sìpia pi grando che el so amor a Dio. Altri i va drio dele so voie sessuai de una maniera che disgusta Geovà. (Rom. 1:26, 27) E ghen’è anca de quei che i se assa influensar par i altri e i fà le robe sbaliade sol par contentarli. — Éso. 23:2

Come che podemo controlar le nostre voie? Ghemo de consentrarse in quel che ghe piase a Geovà. (Mat. 4:4) Ghemo de pregar che Geovà el ne giute a controlar le nostre voie. Lu el sà quel che l’è meio par noantri e el sà cossa far par contentar le nostre voie giuste. — Sal. 145:16

VARDA EL VÌDEO NO STÀ ASSAR CHE I SIGRI ROVINE LA TO VITA, E DOPO RISPONDI A QUESTE DOMANDE:

• Parché che arquanti i fuma?

• Cossa che pol suceder con ti se te doperi sigri?

• Parché che tuti i tipi de sigri l’è sbalià? — 2 Cor. 7:1

• Cossa che te pol far par no scominsiar a fumar o anca par fermarte de fumar?