Semo darente el fin e savemo che ghen sarà cada volta de pi violensa, terorismo e guere. (Apo. 6:4) Come che te pol pareciarte par queste dificoltà?

• Paréciate par seitar fedele: Stùdia relati e prinsipi dela Bìblia che i te giutarà a star distante dela polìtica e a fidarse sempre de pi in Geovà e nela so organisassion. (Pro. 12:5; Jeremias pàg. 125 paràg. 23-24) Adesso ze la ora de far pi forte la to amicìssia coi fradei. — 1 Pie. 4:7, 8

• Paréciate con quel che te ocore par viver e tender dela to salute: Paréciate vanti con quel che te gavaré de bisogno se te toca restar rento casa par un tempo. Pensa anca in quel che te vè far se te toca ndar via de casa de colpo. Assa pronta una maletina o una bolsa cole robe che te ghè de pi bisogno. Vedi anca se ghen’è rento soldi e robe de protession come luve e màscare. Metila nte un posto che sìpia fàcile de ciaparla. Te ghè de saver come che ti e i ansiani podé far par parlarse. — Isa. 32:2; Despertai! nùmero 5 de 2017 pàg. 3-7

Intanto che sucede una guera, seita a pregar, studiar la Bìblia e ndar ale riunion. (Fil. 1:10) No stà cambiarte de un posto al altro se no ghen’è pròpio bisogno. (Mat. 10:16) Spartisse coi altri magnar e altre robe. — Rom. 12:13

VARDA EL VÌDEO SITO PARECIÀ PAR UNA DESGRÀSSIA?, E DOPO RISPONDI A QUESTE DOMANDE:

• Come che Geovà el pol giutarne quando ghen’è una desgràssia?

• Come che podemo esser sempre pareciadi?

• Come che podemo giutar quei che i ga passà par una desgràssia?