Cossa che l’è la Bìblia in àudio? La ze una gravassion dela Tradução do Novo Mundo revisada. La ze drio vegner fora nel site in diverse léngoe un poco ala volta. Questa gravassion la ga una voce difarente par cada persona dele stòrie dela Bìblia. La ze ledesta con tanto sentimento e de una maniera che mete in evidensa le parte pi importante dele stòrie. Cossita, la passa el messàgio dela Bìblia de maniera giusta.

Come che la Bìblia in àudio giuta le persone? Tanti ghe piase de scoltar una voce difarente par cada persona dele stòrie dela Bìblia. Cossita, l’è pi fàcile de imaginar quel che ga sucedesto e capir ben quel che l’è scrito. Par quela, i ghe piase de scoltarla sempre. (Pro. 4:5) E tante persone le dise che quando le ze ansiose l’è tanto bon scoltar queste gravassion parché le giuta a restar pi tranquile. — Sal. 94:19

Scoltar la letura dela Parola de Dio pol giutarne nela nostra vita. (2 Cró. 34:19-21) Se ghen’è tuta la Bìblia in àudio o una parte nte una léngoa che te capisse, proa scoltarla sempre. Sicuro che te piaserà un gran tanto!

VARDA EL VÌDEO COME LA BÌBLIA IN ÀUDIO LA ZE FATA — PARTE, E DOPO RISPONDI A QUESTA DOMANDA:

Cossa che te piase de pi nela Bìblia in àudio?