• Dopera el to indirisso de casa. Se te cati che no l’è mia bon meter el to indirisso, magari te pol doperar el indirisso del Salon del Regno, se i ansiani i te dise che te pol. Ma ricòrdate: no stà MAI doperar el indirisso de Betel.

• Scrivi el nome dela persona se te sè qual che l’è. Cossita la persona la pol veder che la carta la ze pròpio par ela e nò una carta par vender.

• Stà atento che la carta no la gàpia sbali de gramàtica e de scrita. La carta la ga de esser bela de veder. Se te la scrivi a man, la ga de esser fàcile de leder. Scrivi con parole che se dopera tuti i di e nò con parole difìcile de capir.

La carta qua soto la mostra queste sugestion. Questo no vol dir che te ghè de scriver tute le carte compagne. Scrivi la carta de acordo col ogetivo e coi costume del posto.