PARCHÉ CHE L’È IMPORTANTE: El apòstolo Paolo el ga scrito 14 carte par incoraiar i fradei; una de queste la ze la carta de 1 Corinti. El bel de scriver carte l’è che la persona che la scrive la ga tempo de scolier ben le parole e la persona che la riceve la pol léderle tante volte. Scriver carte la ze una bela maniera de dar testimònio a parenti e persone che te cognossi o a persone che no semo mia boni de catar. Par esémpio, pol esser qualchedun che el ga mostrà interesse ma no semo pi stati boni de catarlo casa; qualchedun che l’è de star nte un posto che l’è difìcile de ndar rento, in edifissi, o in posti tanto distanti. Cossa che podemo far par scriver bele carte, fin par persone che no cognossemo?

COME FAR:

• Scrivi come che te fussi drio parlar cola persona. Scrivi el to nome e spiega de maniera ciara el ogetivo dela carta. Dopo te pol far una domanda che la assa la persona curiosa o che la motiva ndar rento el site jw.org. Te pol scriver anca sora el Corso dela Bìblia ntela internet (gnancora disponìbile in talian), sora el corso dela Bìblia che la persona la pol far ntela so casa o te pol parlarghe de qualche capìtolo de una publicassion che doperemo par insegnar la Bìblia. Se te vol, insieme cola carta te pol mandar anca una publicassion, come par esémpio un carton de vìsita, un convite o un foieto.

• Scrivi una carta curta, cossita la persona che la riceve no la se stufa mia de léderla. — Varda un esémpio de carta nela pàgina 8

• Ledi nantra volta la carta par veder se ghen’è sbali e se l’è fàcile capirla. Ricòrdate de esser simpàtico e positivo e de gaver rispeto. Paga el valor giusto par mandarla.