I vìdei e le stampe i ciapa la atension dele persone e le giuta a capir e a ricordarse quel che le ga imparà. El nostro Grandioso Istrutor, Geovà, el ga doperà vision e ilustrassion par insegnar lession importante. (Génesi 15:5; Geremia 18:1-6) Anca Gesù, el Grando Istrutor, el ga fato questo. (Mateo 18:2-6; 22:19-21) Nei ùltimi ani, ghemo pròpio visto che i vìdei i ze tanto boni par insegnar. Sito drio doperar i vìdei par insegnar ai to studianti dela Bìblia?

Ghen’è diese vìdei par giutarne a insegnar le lession dela revista Bone Notìssie de Dio par Ti!. I tìtoli dei vìdei i ze compagni a dele domande scrite pi scure ntela revista. Nela edission dela revista nela internet te pol strucar e ndar drito nel vìdeo. Ghen’è anca altri vìdei che podemo doperar cole Prinsipai publicassion e vìdei par insegnar.

El to studiante el cata difìcile qualche roba che l’è drio imparar? L’è drio infrontar qualche dificoltà nela so vita? Par giutarlo, cata ntel site jw.org® e nela TV JW qualche vìdeo par lu. Valtri podé vardar i vìdei insieme e dopo parlar sora quel che se pol imparar.

Tuti i mesi ghen’è vìdei novi. Quando che te vardi un vìdeo, pensa come che te pol doperarlo par giutar le persone.