PARCHÉ CHE L’È IMPORTANTE: Tanti de quei che i ze orbi no i se sente ben de parlar con persone che no i cognosse mia. Par quela che ghemo de sforsarse par saver come che podemo predicar a lori. Geovà el se preocupa tanto coi orbi. (Levìtico 19:14) Noantri podemo far compagno a lu quando se sforsemo par giutar quei che i ze orbi a esser amighi de Geovà.

COME FAR:

• ‘Va in serca’ de quei che i ze orbi. (Mateo 10:11) Cognóssito qualchedun che el ga un parente che l’è orbo? Nel to teritòrio, ghen’è qualche scola, istituission o qualche altro posto ndove te podarissi assarghe publicassion a quei che i ze orbi?

• Mostra che te ghè interesse par lori. Quando ti te mostri che te sì amigo e te ghè interesse par la persona che la ze orba questo la giutarà a sentirse ben. Proa scominsiar a ciacolar con ela sora una roba che la ghe piase.

• Giùtali a cognosser a Geovà. La organisassion de Geovà la ga fato tante publicassion in diversi formati par giutar i orbi e quei che no i ghe vede mia ben. Domàndaghe qual formato che saria meio par ela. El superintendente de servìssio el ga de esser sicuro che el servo de publicassion el domande le publicassion nel formato che le persone orbe e quele che no le ghe vede mia ben le ga de bisogno.