Le provassion pol assarne desanimadi, ancora de pi quando le dura tanto tempo. Davi l’era drio tribolar par causa del rè Saul. Ma el savea che la so provassion ndaria finirse un giorno. Lu el gavea fede che el deventaria rè, come Geovà el gavea prometesto. (1 Sam. 16:13) Gràssie ala fede che Davi el gavea, lu l’è stà bon de esser passiente e assar che Geovà el risolvesse el problema.

Quando infrontemo provassion, podemo doperar quel che savemo, la nostra capassità de capir e de far bone dessision par proar cambiar la situassion. (1 Sam. 21:12-14; Pro. 1:4) Ancora che ghemo fato tuto de acordo coi prinsipi dela Bìblia, pol esser che arquante dificoltà no le se finisse. Alora, ghemo de portar passiensa e spetar in Geovà. Suito, Geovà ndarà finir col nostro sofrimento e ‘sugar dei nostri oci tute le làgrime’. (Apo. 21:4) Pol esser che no gavaremo pi la provassion parché Geovà la ga finia o par altre rason. Ma podemo esser sicuri che tute le provassion le ndarà finirse un giorno. Questo ne dà tanto consolo.

VARDA EL VÌDEO UN PÒPOLO UNIDO NTE UN MONDO SPARTIO, E DOPO RISPONDI A QUESTE DOMANDE:

• Che dificoltà arquanti fradei nel sud dei Stati Unidi i ga infrontà?

• Come che i ga mostrà passiensa e amor?

• Cossa gali fato par consentrarse nele “robe pi importante”? — Fil. 1:10