Quei che i vol esser amighi de Geovà i ga de far tuto polito. (1 Pie. 1:14-16) Quando un studiante el vinse bruti costumi, lu el vedarà che la so fameia la sarà pi felice, el gavarà una bona salute e anca el savarà come doperar meio i so soldi.

Spiega al to studiante cossa che Geovà el dise che l’è giusto e sbalià. Giùtelo a capir parché che Geovà el pensa cossita e parché che l’è bon obedirlo. Conséntrate in giutar el to studiante a cambiar la so maniera de pensar. Alora, sarà pi fàcile che lu el fae cambiamenti nela so vita. (Efe. 4:22-24) Ricorda sempre el to studiante che lu el sarà bon de vinser qualche bruto costume col aiuto de Geovà, anca se lo ga fà tanto tempo. (Fil. 4:13) Insegnaghe a domandar el aiuto de Geovà quando ghe vien voia de far qualcossa sbaliada. Giùtelo anca a pensar in situassion che podaria influensarlo a far qualcossa sbaliada e come el pol scampar via. Incoraia el to studiante a fermarse coi bruti costumi e scominsiar a gaver boni costumi. Te gavarè tanta alegria quando te vedi el to studiante dela Bìblia far cambiamenti nela so vita col aiuto de Geovà.

VARDA EL VÌDEO GIUTA EL TO STUDIANTE DELA BÌBLIA A VINSER BRUTI COSTUMI, E DOPO RISPONDI A QUESTE DOMANDE:

• Cossa che i ansiani e Rita i ga fato quando i ga savesto che Sara la gavea un bruto costume?

• Cossa che Rita la ga fato par giutar Sara?

• Cossa che Sara la ga fato par ndar in serca del aiuto de Geovà?