17-23 de marso
PROVERBI 5
Càntico 122 e orassion | Cossa che ndaremo imparar ancoi? (1 min)
1. Scampa via dela imoralità sessual
(10 min)
La tentassion de far imoralità sessual la pol esser tanto forte. (Pro. 5:3; Sentinela 15/07/00 pàg. 29 paràg. 1)
Quei che i fà imoralità sessual i resta tanto disgustadi. (Pro. 5:4, 5; Sentinela 15/07/00 pàg. 29 paràg. 2)
Scampa via dela imoralità sessual. (Pro. 5:8; Sentinela 15/07/00 pàg. 29 paràg. 5)
Una sorela gióvena no la vol dar el so nùmero de telèfono a un toso
2. Va in serca de lession pressiose dela Bìblia
(10 min)
-
Pro. 5:18, 19 — Cossa che Geovà el pensa sora el sesso? (Viver felice par sempre! lession 41 punto 1)
-
Che lession pressiose te ghè imparà nela letura de questa stimana?
3. Letura
4. Come scominsiar a parlar cola persona
(3 min) PREDICASSION NDOVE GHEN’È PERSONE. Convida una persona che la ga una religion difarente e no la cognosse la Bìblia par ndar ala Selebrassion. Va in serca dela Selebrassion pi darente de ndove la ze de star nel jw.org. (Ama le persone lession 6 punto 4)
5. Come seitar a parlar cola persona
(4 min) DE CASA IN CASA. Nela ùltima volta, la persona la ga acetà el convite par la Selebrassion e la ga dimostrà interesse. (Ama le persone lession 9 punto 5)
6. Come giutar la persona a far compagno Gesù
(5 min) Viver felice par sempre! lession 16 Cossa che te ghè imparà?, Sito bon de ricordarte? e Sfòrsate par . . . El studiante el te domanda se Gesù l’era maridà. Mostraghe come far peschise par catar la risposta. (Ama le persone lession 11 punto 4)
Càntico 49
7. Stà atento par no far imoralità sessual intanto che te sì drio smorosar
(15 min) Discorso con arquante domande.
Smorosar l’è quando un omo e una dona i passa tempo insieme e i mostra che i se vol tanto ben. Le persone le smorosa quando ghen’è altri intorno, quando le ze lore sole, quando i altri i sa o quando i desside no contar a nissuni. Le pol smorosar fàcia a fàcia, par telèfono o par messagi. Ma par le Testimònie de Geovà, smorosar no l’è sol par divertirse. Invesse, l’è par dessider se lori i va maridarse o nò. Alora, cossa che tuti, sia veci o gióveni, i pol far par starghe distanti dela imoralità sessual intanto che i ze drio smorosar? — Pro. 22:3
Mostra el VÌDEO Come esser pronto par maridarse — Parte 1: Sonti pronto par smorosar? — Parte. Dopo, fà le domande:
-
Parché che saria meio una persona scominsiar a smorosar sol se la ze pronta par maridarse? (Pro. 13:12; Luc. 14:28-30)
-
Cossa che te ga piasesto sora la maniera che i genitori i ga giutà la so fiola?
Ledi Proverbi 28:26. Dopo, fà le domande:
-
Cossa che due persone che le ze drio smorosar le pol far par no restar lore sole e cossita gaver la tentassion de far imoralità sessual?
-
Parché che l’è bon che lori due i dessida insieme cossa che i ndarà far o nò par dimostrar che i se vol ben, come darse le man e basarse?
Ledi Efesi 5:3, 4. Dopo, fà la domanda:
-
Sora cossa che lori due i ga de star atenti quando i ze drio parlarse par telèfono o par la internet?
