7-13 de otobre
SALMI 92-95
Càntico 84 e orassion | Cossa che ndaremo imparar ancoi? (1 min)
1. Servir a Geovà l’è la meio vita che ghen’è!
(10 min)
Geovà el mèrita la nostra adorassion. (Sal. 92:1, 4; Sentinela 04/18 pàg. 26 paràg. 5)
Lu el giuta i so servi a far bone scòlie e a esser felici. (Sal. 92:5; Sentinela 11/18 pàg. 20 paràg. 8)
Lu el se stima de tuti i so servi, anca quei pi vecieti. (Sal. 92:12-15; Sentinela 01/20 pàg. 19 paràg. 18)
DOMANDATE: ‘Cossa che me intriga de dedicar la me vita a Geovà e batesarme?’
2. Va in serca de lession pressiose dela Bìblia
(10 min)
-
Sal. 92:5 — Cossa che questo testo ne giuta a capir sora el profondo saver de Geovà? (Achegue-se pàg. 176 paràg. 18)
-
Che lession pressiose te ghè imparà nela letura de questa stimana?
3. Letura
4. Come scominsiar a parlar cola persona
(4 min) PREDICASSION INFORMAL. Fà che vegna fora una oportunità par parlar ala persona sora el laoro che te fè de insegnar la Bìblia. (Ama le persone lession 5 punto 3)
5. Come seitar a parlar cola persona
(3 min) PREDICASSION INFORMAL. Domanda a una persona interessada che no la ga acetà un stùdio nel passà se la vol studiar la Bìblia. (Ama le persone lession 8 punto 4)
6. Come giutar la persona a far compagno Gesù
(5 min) Mostra come parlar con un studiante che no l’è drio far cambiamenti. (Ama le persone lession 12 punto 5)
Càntico 5
7. Gióveni che i infronta ansietà
(15 min) Discorso con arquante domande.
Tuti i servi de Geovà i pol gaver ansietà. Par esémpio, tante volte Davi el se ga sentio ansioso, compagno tanti fradei ancoi. (Sal. 13:2; 139:23) L’è bruto dir ma, fin i gióveni i pol sentirse cossita. Pol esser che sìpia massa fadiga far le atività de tuti i di come ndar ala scola o ale riunion. Dele volte, pol vegnerghe massa ansietà, come crise de pànico, o fin voia de coparse.
Caro gióveno se ti te sì avelio parché te ghè massa ansietà, parla con un dei to genitori o un amigo che el ga de pi speriensa e che ti te fidi. Parla anca con Geovà e domanda el so aiuto. (Fil. 4:6) Sicuro che el te giutarà. (Sal. 94:17-19; Isa. 41:10) Varda el esémpio de Steing.
Mostra el VÌDEO Geovà el me ga sempre tendesto. Dopo, fà le domande:
• Che testo dela Bìblia el ga giutà Steing, e parché?
• Come che Geovà lo ga tendesto?
Genitori, giuté vostri fioi a darghene fora cola ansietà. Podé scoltarli con passiensa, assarli sicuri che valtri li amé e anca che Geovà li ama. (Tito 2:4; Tia. 1:19) Fidéve che Geovà ve darà la forsa e consolo che ghe ocore par giutar i vostri fioi.
Fursi gnanca se nicordemo che ghen’è qualchedun nela congregassion che l’è drio infrontar massa ansietà. O pol esser che no semo mia boni de capir come che lu el se sente. Ma ancora cossita, podemo giutar tuti a sentirse amà e che i fà parte dela congregassion. — Pro. 12:25; Ebr. 10:24
