SCOLA PAR EVANGELIZADORI DEL REGNO Pionieri con età intrà 23 e 65 ani che i ga interesse de sgrandar el so ministero i ze convidadi par assister ala riunion par i candidati ala Scola par Evangelizadori del Regno nela doménega dopo mesdì. La ora e el posto de sta riunion i sarà anunsiadi.

SERVÌSSIO DE BETEL Publicadori batesadi, che i ga 35 ani de età o manco e che i ga interesse nel servìssio de Betel, i pol assister ala riunion par i interessadi nel vendre dopo mesdì. La ora e el posto de sta riunion i sarà anunsiadi.

COSE PERSE E CATADE Tute le cose che te cati pòrtale al Departamento de Cose Perse e Catade. Se te ghè perso qualcossa, va a questo departamento e fà la identificassion de quel che l’è too. Tosatei che i se ga persi i ga de esser menadi a sto departamento; ma la finalità de sto departamento no la è mia tender dei tosatei. Tendi ben dei to fioi e mantégnili insieme a ti.

BATÉSIMO I assenti par i candidati al batésimo i sarà reservadi ntela parte principal davanti del palco. I candidati al batésimo i gavarà de star sentadi nei assenti reservadi par lori vanti del scomìnsio del discorso de batésimo, che el sarà nel sabo de matina. Cada un el ga de portar un sugaman e robe de bagno modeste.

ASSENTI L’è bon gaver considerassion coi altri. Ricòrdate che te pol reservar assenti sol par quei che i viaia con ti, quei che i ze de star con ti o quei che i stùdia la Bìblia con ti. No stà assar gnente sora i assenti che no te ghè reservà.

DONATIVOS DONATIVI Ghen’è tante spese par gaver assenti apropiadi, sistema de àudio e vìdeo e tante altre cose che le ne dà conforto par assister al congresso e giutarne a rivarse pi darente de Geovà. I to donativi volontari i giuta a pagar queste spese e anca apoiar la òpera mondial. Par esser pi cómodo par ti, ghen’è cassete de contribuission con identificassion in diversi posti nel local del congresso. Se dà valor a tuti i donativi. El Corpo Governante el vol ringrassiarte par la generosità in apoiar i interessi del Regno.

INDICADORI indicadori i ze stati designadi par giutarte. Colabora sempre con lori e aceta le so orientassion sora stassionamento, movimentassion de persone, reserva de assenti e altri temi.

PRIMO SOCORO Ricòrdate che l’è SOL par EMERGENSA.

SERVÌSSIO VOLONTÀRIO Se te vol laorar nel congresso come volontàrio, va al departamento Informassion e Servìssio Volontàrio.