Vanti del stùdio

1. 1. Pareciate ben. Pensaghe sora la situassion dela persona, quel che la ga de bisogno e quel che la pensa. Proa pensar in quel che la cata fadiga de capir o de meter in pràtica. Pensa anca come che la parte “Vuto saver de pi?” pol giutarla e sìpia pronto par doperar questa parte nel stùdio se ghe vol.

Intanto che studié insieme

1. 2. Scomìnsia e finissi con orassion, se la persona la ze de acordo.

2. 3. No stà parlar massa. Conséntrate in quel che ghen’è nel libro e scolta la persona con atension.

3. 4. Vanti de scominsiar nantra session, ledé la parte “Cossa che ndaremo imparar?” e dopo parla de arquante lession che ndaré studiar.

4. 5. Quando valtri finì de studiar cada session, dopera la parte “Sito bon de ricordarte?” par giutar la persona a ricordarse dele verità che la ga imparà.

5. 6. Intanto che te studi cada lession cola persona:

   1. Ledé i paràgrafi.

   2. Ledé i testi che i ze scriti “Ledi” e “Ledé”.

   3. Se ghe vol, ledé altri testi dela Bìblia che i ze nei paràgrafi.

   4. Mostraghe tuti i vìdei che i ze scriti “Vardé el vìdeo” (se te ghè come farlo).

   5. Fà le domande ala persona.

   6. Mostraghe ala persona la stampa dela parte “Impara de pi”, e domandaghe che la parle sora la stampa.

   7. Dopera el quadro “Sfòrsate par . . . ” par giutar la persona a veder quel che la pol far. Te pol insentivarla a far quel che ghen’è scrito nel quadro, a pensar in altre robe de far o tuti due.

   8. Domandaghe ala persona se ghe ga piasesto qualche matèria o vìdeo dela parte “Vuto saver de pi?” intanto che la se pareciea par el stùdio.

   9. Proa studiar una lession in cada stùdio.

Dopo del stùdio

1. 7. Seita a pensar nela persona. Prega che Geovà el benedissa i so sforsi. Prega anca par gaver sabedoria par giutarla dela meio maniera.