Geovà l’è un Dio felice e el vol che le fameie le sìpia felice. (1 Timóteo 1:11) Lu el ga fato el matrimònio. Par Dio, l’è importante che un omo e una dona che i vol gaver una fameia i se maride. Cossita tuti ntela fameia i se sentirà amadi e protegesti. Par quela, i cristiani i se marida de acordo cole legi civile sora el matrimònio ndove che i ze de star. — Ledi Lucas 2:1, 4, 5.

Par Dio, el matrimònio l’è una union de un omo con una dona. Lu el vol che el sposo e la sposa i sìpia sempre fedeli un al altro. (Hebreus 13:4) Dio el òdia el divòrsio. (Malaquias 2:16) Ma se un dei due el tradise el altro? Sol in questa situassion Dio el assa la persona inossente dessider se la vol divorsiarse e maridarse nantra volta. — Ledi Mateus 19:3-6, 9.

Geovà el vol che el sposo e la sposa i se giute un al altro. (Gênesis 2:18) El sposo el ga due responsabilità prinsipai: (1) mantegner la fameia e (2) insegnar ai so fioi e ala so sposa sora Dio. El sposo che el ama la so sposa el pensa prima nela. El sposo e la sposa i ga de tratarse con amor e rispeto. Par la fameia esser felice, l’è tanto importante imparar a perdonar parché tuti noantri sbaliemo. — Ledi Efésios 4:31, 32; 5:22-25, 33; 1 Pedro 3:7.

Tuti i matrimoni i ga problemi. El sposo e la sposa i ga de risolver questi problemi con amor. (1 Coríntios 13:4, 5) La Bìblia la dise che la separassion no la ze mia la solussion dei problemi normai che gavemo ntel matrimònio. — Ledi 1 Coríntios 7:10-13.

Geovà el vol che i fioi i sìpia felice. Par quela, Lu el dà boni consili par lori. Par esémpio, Geovà el sa che i genitori i pol insegnar e giutar i so fioi parché lori i ga belche imparà tante cose ntela so vita. (Colossenses 3:20) I fioi i ga anca de esser obedienti a Geovà. I dóveni che i fà quel che Geovà e Gesù i dise i ze felice. — Ledi Eclesiastes 11:9–12:1; Mateus 19:13-15; 21:15, 16.

I fioi i ga de bisogno de roba, magnar e casa. (1 Timóteo 5:8) Ma lori i sarà pròpio felice sol se i ama a Dio e i impara sora Lu. Par quela, i genitori i ga de insegnar sora questo ai so fioi. (Efésios 6:4) Come i pol far questo? (1) Col so esémpio. Se i genitori i ama a Dio, l’è pi fàcile che anca i fioi i ame a Dio. (2) Doperando la Bìblia par insegnar ai fioi. Cossita, lori i saverà far bone dessision ntela vita. — Ledi Deuteronômio 6:4-7; Provérbios 22:6.

L’è tanto importante lodar i fioi quando lori i fà quel che l’è giusto. Ma dele volte i fioi i ghe ocore de coression e dissiplina. Cossita lori i gavarà manco problemi. (Provérbios 22:15) Ma i genitori i ga de star atenti par no esser massa duri gnanca violenti coi so fioi. — Ledi Colossenses 3:21.

Le Testimònie de Geovà le fà arquante publicassion che le pol giutar tanto i genitori come i fioi. Queste publicassion le mostra i consili dela Bìblia. — Ledi Salmo 19:7, 11.