Pensa nel to ogetivo. Vuto darghe informassion, convinser o motivar le persone? Parécia el to discorso con questo ogetivo. Stà atento che tuti i punti prinsipai i te giute rivar a questo ogetivo.

Assa ciaro el tema del discorso. Durante el to discorso, mensiona arquante volte le parole prinsipai del tema o dopera parole che le gàpia el medèsimo significà.

Spiega i punti prinsipai de maniera sémplisse e ciara. Scoli sol i punti prinsipai relassionadi col tema e che te pol spiegar rento del tempo designà. Scoli pochi punti prinsipai. Spiega un punto, fà una pausa e dopo scomìnsia a spiegar nantro punto.