SCOLA PAR EVANGELIZADORI DEL REGNO Pionieri con età intrà 23 e 65 ani che i vol sgrandar el so ministero i ze convidadi par assister ala riunion par i candidati ala Scola par Evangelizadori del Regno ntela doménega dopo mesdì. La ora e el posto de sta riunion i sarà anunsiadi.

COSE PERSE E CATADE Tute le cose che te cati pòrtale al Departamento de Cose Perse e Catade. Se te ghè perso qualcossa, va a questo departamento e varda se quel che te ghè perso l’è lì. Tosatei che i se ga persi i ga de esser menadi a sto departamento. Par evitar problemi, tendi ben dei to fioi e mantégnili insieme a ti.

BATÉSIMO I assenti par i candidati al batésimo i sarà reservadi ntela parte principal davanti del palco. I candidati al batésimo i gavarà de star sentadi ntei assenti reservadi par lori vanti del scomìnsio del discorso de batésimo, che el sarà ntel sabo de matina. Cada un el ga de portar el so sugaman e robe de bagno modeste.

ASSENTI Mostra considerassion par i altri. Ricòrdate che te pol reservar assenti sol par quei che i viaia con ti, quei che i ze de star con ti o quei che i stùdia la Bìblia con ti. No stà reservar assenti che no te ndarè doperar.

DONATIVI Ghen’è tante spese par gaver assenti apropiadi, sistema de àudio e vìdeo e tante altre cose che le ne dà conforto par assister al congresso e giutarne a rivarse pi darente de Geovà. I to donativi volontari i giuta a pagar queste spese e anca apoiar la òpera mondial. Ghen’è cassete de contribuission con identificassion in diversi posti ntel local del congresso. Se dà valor a tuti i donativi. El Corpo Governante el vol ringrassiarte par la generosità in apoiar i interessi del Regno.

INDICADORI I indicadori i ze qua par giutarte. Colabora sempre con lori e aceta le so orientassion sora stassionamento, movimentassion de persone, reserva de assenti e altre cose.

PRIMO SOCORO Ricòrdate che l’è SOL par EMERGENSA.

SERVÌSSIO VOLONTÀRIO Se te vol laorar ntel congresso come volontàrio, va al departamento Informassion e Servìssio Volontàrio.