BATÉSIMO Le careghe par quei che i ze drio pareciarse par batesarse le sarà reservade ntela parte prinsipal, davanti del palco. Lori i gavarà de sentarse in queste careghe reservade vanti del scomìnsio del discorso de batésimo, che el sarà nel sabo de matina. Cada un el ga de portar una toaia e robe apropiade de bagno.

COSE PERSE E CATADE Tute le cose che te cati, pòrtale al Departamento de Cose Perse e Catade. Se te ghè perso qualcossa, và a questo departamento e proa veder se la ze lì. Tosatei che i se ga perso i ga de esser menadi a questo departamento. Par evitar problemi sensa nessessità, tendi ben dei to fioi e mantégneli darente de ti.

DONATIVI Ghen’è tante spese par gaver careghe apropiade, sistema de àudio e vìdeo e tante altre cose che le ne dà conforto par assister al congresso e giutarne a rivarse pi darente de Geovà. I to donativi i giuta a pagar queste spese e anca apoiar la òpera mondial. Par esser pi cómodo par ti, ghen’è cassete de donativi con identificassion in diversi posti in questo congresso. Anca ti te pol far donativi par meso del site donate.pr418.com. Ghe demo valor a tuti i donativi e el Corpo Governante el vol ringrassiarte par la generosità in apoiar i interessi del Regno.

INDICADORI I indicadori i ze stati designadi par giutarte. Colabora sempre con lori e aceta le so orientassion sora el stassionamento, la movimentassion de persone, la reserva de careghe e sora altre robe.

PRIMI SOCORI Ricòrdate che l’è sol par emergense.

RESERVAR CAREGHE L’è bon gaver considerassion coi altri. Ricòrdate che te pol reservar careghe sol par quei dela to fameia imediata, quei che i viaia con ti nel to auto, quei che i ze de star con ti o quei che i stùdia la Bìblia con ti. No stà mia assar gnente sora le careghe che no te vè doperar.

SERVÌSSIO VOLONTÀRIO Se te vol laorar nel congresso come volontàrio, te pol ndar al Departamento de Informassion e Servìssio Volontàrio.

Scola par Vangelisadori del Regno Pionieri con età intrà 23 e 65 ani che i vol far de pi nel servìssio a Geovà i ze convidadi par assister ala riunion par quei che i vol far la Scola par Vangelisadori del Regno. Questa riunion la sarà fata nela doménega dopo mesdì. La ora e el posto giusti i sarà anunsiadi.