PARTE 3
Come che la era la vita nel giardin del Èden?
Adon e Eva i ga ricevesto de Geovà tante cose bone. Gênesis 1:28
Geovà el ga creà Eva, la prima fémena, e la ga dato a Adon par esser la soa sposa. — Gênesis 2:21, 22.
Geovà li ga fato cola mente e el corpo perfeti, sensa difeti.
El soo posto de star lʼera el giardin del Èden, un posto gran bel. Là ghenʼera un rio, tanti fruteri e animai.
Geovà el parlea con lori e li insegnea. Se i gavesse scoltà a lu, i saria ancora vivi nel Paradiso ntela Tera.
Dio el ga dito a lori par no magnar mia el fruto de una pianta. Gênesis 2:16, 17
Geovà el ga mostrà a Adon e Eva una pianta nel giardin e el ga dito a lori che, se i magnesse de sto fruto, i ndaria morir.
Un àngelo el se ga rebelà contra Dio. Sto àngelo rugno lʼera Sàtana, el Diaol.
El Diaol noʼl volea mia che Adon e Eva i fesse come Geovà el gavea dito. E lora, par meso de una serpente, el ga dito a Eva che, se la magnesse del fruto de quela pianta, no la ndaria mia morir, ma la se tornaria come Dio. Lʼè fàcile veder che questa la era una busia. — Gênesis 3:1-5.
Te piaserà de veder anca questo
LE VERITÀ IMPORTANTE DELA BÌBLIA
Parché che Dio el ga creà la Tera?
La Tera la ze piena de robe bele che l’è de maraveiarse. Dio el ga metesto la Tera nela distansa perfeta del sol. Dio el ga fato la so rotasion nela velocità giusta e cola giusta inclinassion. Parché che Dio el ga fato tanto sforso par crear questo bel pianeta?
