LESSION 34

Come che te pol mostrar che te ami a Geovà?

SONAR

Dopo che te ghè scominsià a studiar la Bìblia, te senti che te sì amigo de Dio? Te piaseria gaver una amicìssia ancora pi forte con lu? Se te seiti a far pi forte el to amor par Dio, lu el ndarà amarte e tenderte cada volta de pi. Alora, come che te pol mostrar che te ami a Geovà?

1. Come che mostremo che amemo a Geovà?

Mostremo che amemo a Geovà quando lo obedimo. (Ledi 1 Gioani 5:3.) Tuti noantri podemo scòlier se volemo obedirlo o nò. Parché che lu no’l vol che lo femo par forsa? Parché lu el vol che lo ‘obedimo de cuor’. (Romani 6:17) Questo vol dir che Geovà el resta contento quando te lo obedissi parché te lo ami, nò parché te toca farlo. Le session 3 e 4 del libro le ndarà giutarte a far quel che Dio ghe piase e a nò far quel che lu el òdia. Cossita, te sarè bon de mostrar ancora de pi che te ami a Geovà.

2. Parché che pol esser fadiga mostrar che amemo a Dio?

La Bìblia la dise che i giusti i infronta tante dificoltà. (Salmo 34:19) Par esémpio, noantri sofrimo parché dele volte ne manca robe o soldi, no semo tratadi con giustìssia, femo sbali o infrontemo altre dificoltà. Quando infrontemo questi problemi, pol esser fadiga far quel che ghe piase a Geovà. Parché? Parché fursi ne par pi fàcile far quel che l’è sbalià. Ma se te sì fedele e te obedissi a Geovà, te mostri che te sì leal a lu e che te lo ami de pi de qualche altra roba. Cossita, anca Geovà el sarà leal a ti e mai el ndarà abandonarte. — Ledi Salmo 4:3.

IMPARA DE PI!

Parché che Geovà el resta tanto contento quando te lo obedissi? Cossa che ndarà giutarte a seitar fedele a lu?

3. Sàtana el conta una busia sora ti

Nel libro de Giò, noantri ledemo che Sàtana el ga contà una busia sora Giò e sora tuti quei che vol servir a Geovà. Ledé Giò 1:1, 6–2:10, e dopo, parlé sora questo:

De acordo con Sàtana, parché che Giò el obedia a Geovà? (Vardé Giò 1:9-11.)
Che busia che Sàtana el dise sora tute le persone? (Vardé Giò 2:4.)

Ledé Giò 27:5b, e dopo, parlé sora questo:

Come che Giò el ga mostrà che el amea a Geovà?

Giò el ga mostrà che el amea a Geovà parché el ga seità leal a lu

Noantri mostremo che amemo a Geovà quando seitemo leai a lu

4. Fà contento el cuor de Geovà

Ledé Proverbi 27:11, e dopo, parlé sora questo:

Come che Geovà el se sente quando te mostri sabedoria e te lo obedissi? Parché che lu el se sente cossita?

5. Te pol esser leal a Geovà

Par causa del nostro amor a Geovà, volemo parlar ai altri sora lu, e lo femo anca quando l’è fadiga. Vardé el VÌDEO, e dopo, parlé sora questo:

VÌDEO: Difendi la to fede anca con oposission (5:09)

Te fà fadiga parlar ai altri sora Geovà?
Cossa che ga giutà Daniel a dàrghene fora cola paura?

Quando amemo quel che Geovà el ama e odiemo quel che lu el òdia, l’è pi fàcile esser leal a lu. Ledé Salmo 97:10, e dopo, parlé sora questo:

De acordo con quel che te ghè belche imparà, che robe Geovà el ama? E che robe che lu el òdia?
Come che te pol imparar a amar quel che l’è giusto e odiar quel che l’è sbalià?

6. Obedir a Geovà l’è la meio roba che te pol far

La meio scólia che te pol far la ze obedir a Geovà. Ledé Isaia 48:17, 18, e dopo, parlé sora questo:

Te te fidi che Geovà sempre el sa quel che l’è el meio par noantri? Parché?
Come che le robe che te ghè imparà sora la Bìblia e sora Geovà te ga belche giutà?

FURSI TE GHÈ BELCHE SCOLTÀ: “Sarà che quel che mi fao pol assar Dio contento?”