LESSION 37
Cossa che la Bìblia la dise sora el laoro e i soldi?
Fursi te sì belche restà preocupà par via de laoro o dei soldi. Pol esser pròpio fadiga laorar par gaver quel che te ocore par viver e servir a Geovà. Ma i consili che la Bìblia la dà i pol giutarte tanto.
1. Cossa che la Bìblia la dise sora laorar?
La Bìblia la dise che la meio roba la ze goder de tuto quel che vien del nostro laoro. (Eclesiasti 2:24) Alora Geovà el vol che restemo contenti de laorar. Geovà el laora tanto, e noantri femo compagno a lu quando semo bravi laoradori. Quando se sforsemo par far cossita, assemo Geovà contento e semo pi felici.
L’è vera che l’è importante laorar, ma no ghemo mai de assar che el nostro laoro sìpia pi importante che quel che femo par Geovà. (Gioani 6:27) Se la roba pi importante nela nostra vita la ze adorar a Geovà, lu el promete darne quel che ghemo de bisogno par viver.
2. Cossa che la Bìblia la dise sora i soldi?
La Bìblia la dise che i soldi i ze una protession. (Eclesiasti 7:12) Ma ela anca la dise che ne ocore de pi che sol i soldi par esser felici. Par quela che la Bìblia la ne insegna che no ghemo de amar i soldi e che ghemo de restar contenti con quel che ghemo. (Ledi Ebrei 13:5.) Se femo cossita, no ndaremo pensar che no ghemo soldi e robe che basta e no ndaremo far dèbiti che no ne ocore. (Proverbi 22:7) E gnanca ndaremo doperar i soldi nei giughi e no cascaremo nela tràpola de ndar drio persone che le dise che podemo restar presto siori sensa laorar tanto.
3. Come che podemo doperar i soldi par giutar i altri?
Geovà l’è un Dio che ghe piase tanto far robe bone ai altri. E noantri podemo far compagno a lu quando semo generosi e quando femo robe bone ai altri. (1 Timòteo 6:18) Par esémpio, podemo doperar i nostri soldi par giutar la congregassion e i nostri fradei che i ga de bisogno. Geovà no’l vede quanto che ghe demo, ma parché che lo femo. Se giutemo i altri de tuto el cuor, saremo felici e assaremo Geovà contento. — Ledi Ati 20:35.
IMPARA DE PI!
Parché che ghemo de esser bravi laoradori e restar contenti con quel che ghemo?
4. Se te sì un bravo laorador, te ghe dè onor a Geovà
Se semo amighi de Geovà, ndaremo far el nostro laoro polito. Vardé el VÌDEO, e dopo, parlé sora questo.
-
Che robe Andrè el ga fato nel laoro che te ga piasesto de pi?
-
Sarà che el laoro l’era la roba pi importante par lu? Come che lu el ga mostrà questo?
Ledé Colossensi 3:23, 24, e dopo, parlé sora questo:
-
Parché che l’è importante esser bravi laoradori?
L’è vera che l’è importante laorar, ma no ghemo mai de assar che el nostro laoro el sìpia pi importante che quel che femo par Geovà
5. Se te sì contento con quel che te ghè, te sì pi felice
Tante persone le se sforsa tanto par imuciar su soldi. Ma la Bìblia la ne dise de far nantra roba. Ledé 1 Timòteo 6:6-8, e dopo, parlé sora questo:
-
Cossa che la Bìblia la ne dise de far?
Podemo esser felici anca se ghemo pochi soldi. Vardé el VÌDEO, e dopo, parlé sora questo:
-
Anca che questi fradei i gavesse pochi soldi, parché che lori i era felici?
Fursi una persona la ga belche tanti soldi e tante robe, ma la vol ancora de pi. Gesù el ga dito che questo l’è una tràpola. Ledé Luca 12:15-21, e dopo, parlé sora questo:
-
Cossa che te ghè imparà dela ilustrassion de Gesù? (Vardé el versìcolo 15.)
Ledé e pensé sora i testi de Proverbi 10:22 e 1 Timòteo 6:10. Dopo, parlé sora questo:
-
Te pensi che l’è pi importante gaver una amicìssia con Geovà o una mùcia de soldi? Parché?
-
Che dificoltà una persona fursi la infronte quando la va sol drio i soldi?
6. Geovà el ne dà quel che ne ocore
Noantri podemo mostrar che se fidemo in Geovà quando infrontemo dificoltà nel laoro o quando ne manca i soldi. Cossa che podemo far par infrontar queste dificoltà? Vardé el VÌDEO e dopo, parlé sora questo:
-
Che dificoltà el fradel l’era drio infrontar?
-
Cossa che lori i ga fato par dàrghene fora cole so dificoltà?
Ledé Mateo 6:25-34, e dopo, parlé sora questo:
-
Cossa che Geovà el ne promete se la roba pi importante nela nostra vita la ze servirlo?
FURSI TE GHÈ BELCHE SCOLTÀ: “Me toca laorar tanto par darghe ala me fameia quel che la ga de bisogno. Mi no go mia tempo par ndar ale riunion tute le stimane.”
-
Sicuro che servir a Geovà la ze la roba pi importante nela vita. Che testo el te assa sicuro che la ze la meio dessision?
COSSA CHE TE GHÈ IMPARÀ?
L’è vera che l’è importante laorar e gaver soldi, ma la roba pi importante dela nostra vita la ga de esser servir a Geovà.
Sito bon de ricordarte?
-
Cossa che la Bìblia la dise sora laorar?
-
Parché che l’è importante che te resti contento con quel che te ghè?
-
Come che te pol mostrar che te te fidi nela promessa de Geovà de tender dei so servi?
VUTO SAVER DE PI?
Sarà che la Bìblia la dise che i soldi i ze una roba rugna?
“Sarà che tuto quel che l’è rugno vien dei soldi?” (Varda nel jw.org)
Varda come che podemo doperar i nostri soldi par assar Geovà contento.
“Cossa che la Bìblia la dise sora esser generoso?” (Varda nel jw.org)
Sarà che guastar soldi con giughi l’è una bela roba de far?
“La Bìblia la spiega — Giugar par soldi” (Despertai!, marso de 2015)
Varda cossa che ga giutà un omo che el guastea i so soldi nei giughi.
“Me piasea tanto le carere de cavai” (La Sentinela, 1 de novembre de 2011)
Te piaserà de veder anca questo
DOMANDE FATE DE PI
Come che se fà el stùdio dela Bìblia cole Testimònie de Geovà?
Par studiar cole Testimònie de Geovà te pol doperar la Bìblia che te vol. Te pol ciamar tuta la to fameia o i amighi che te vol.
