LESSION 55
Giuta la to congregassion e i to fradei
In tuto el mondo, milioni de persone le serve a Geovà in miliari de congregassion. Lore le dà tanto valor a quel che Geovà el insegna e le vol giutar la congregassion. Védito persone cossita anca nela to congregassion?
1. Come che te pol doperar el to tempo e la to forsa par far i laori nela congregassion e par giutar i fradei?
Tuti noantri podemo far i laori che ghen’è nela congregassion e giutar i fradei. Par esémpio, sarà che te podarissi menar i fradei pi veci o quei che i ga de bisogno ale riunion? O sarà che te podarissi farghe compre o netar la so casa? (Ledi Tiago 1:27.) Podemo anca giutar a netar o a rangiar qualcossa nel Salon del Regno. Noantri femo tute queste robe de volentiera parché amemo a Geovà e ai nostri fradei. — Salmo 110:3.
Quei che i ze batesadi i pol giutar la congregassion ancora de altre maniere. Par esémpio, i fradei i pol sforsarse par esser servi ministeriai o ansiani. Fradei e sorele i pol giutar tanto nela predicassion come pionieri. E altri i ze boni de giutar a far su i posti che doperemo par adorar a Geovà. E ghen’è altri che i ze boni de ndar de star in posti che ghen’è bisogno de aiuto nela congregassion o nela predicassion.
2. Come che podemo giutar la congregassion coi nostri soldi?
Noantri podemo darghe onor a Dio con quel che ghemo. (Proverbi 3:9) Restemo tanto contenti de doperar i nostri soldi par giutar la nostra congregassion e el laoro de predicassion in tuto el mondo. (Ledi 2 Corinti 9:7.) I nostri soldi anca i ze doperadi par giutar le persone quando sucede una desgràssia. Tanti i mete via un poco de soldi tute le stimane, o tuti i mesi par giutar la congregassion. (Ledi 1 Corinti 16:2.) Noantri podemo dar dei nostri soldi nele cassete che ghen’è nel Salon del Regno o nel site donate.pr418.com. Cossita, quando doperemo ben i soldi che ghemo par giutar la congregassion, mostremo che amemo a Geovà.
IMPARA DE PI!
Come che te pol giutar a far i laori nela congregassion e i to fradei?
3. Noantri podemo doperar quel che ghemo
Geovà e Gesù i ama quei che i resta contenti de dar. Par esémpio, Gesù el ga vardà una védova poareta che la era drio meter soldi rento la casseta, anca che fusse ben poco. Ledé Luca 21:1-4, e dopo, parlé sora questo:
-
Sarà che ne toca darghe tanto par assar Geovà contento?
-
Come che Geovà e Gesù i se sente quando femo contribussion de volentiera?
Par imparar sora come i donativi i ze doperadi, vardé el VÌDEO. Dopo, parlé sora questo:
-
Come che i donativi i ze doperadi par giutar le congregassion in tuto el mondo?
4. Noantri podemo giutar de volentiera
Nel passà, i servi de Geovà i restea contenti de laorar par rangiar i posti che i era doperadi par adorar a Geovà. Ma lori i fea de pi che sol giutar con soldi. Ledé 2 Cróniche 34:9-11, e dopo, parlé sora questo:
-
Come che i israeliti i giutea a tender del posto ndove i adorea a Geovà?
Par veder come le Testimònie de Geovà le fà compagno ai servi de Dio del passà, vardé el VÌDEO. Dopo, parlé sora questo:
-
Parché che l’è importante che el nostro Salon del Regno el sìpia neto e bel?
-
Cossa che te podarissi far par giutar?
5. I fradei i pol giutar de pi nela congregassion
La Bìblia la incoraia i fradei a sforsarse de giutar a far i laori nela congregassion. Par veder un esémpio, vardé el VÌDEO. Dopo, parlé sora questo.
-
Come che el toso l’è stà bon de giutar de pi nela congregassion?
La Bìblia la parla dele qualità che i fradei ghe ocore par esser servi ministeriai e i ansiani. Ledé 1 Timòteo 3:1-13, e dopo, parlé sora questo:
-
Cossa quei che i vol esser servi ministeriai e ansiani i ga de far?
-
Come che la so fameia la ga de esser? — Vardé i versìcoli 4 e 11.
-
Quando questi fradei i se sforsa de esser bravi cossita, come che lori i giuta a tuti nela congregassion?
FURSI QUALCHEDUN EL TE DOMANDE: “Ndove che le Testimònie de Geovà le ciapa i soldi par far tuto questo laoro?”
-
Come che te podarissi risponder?
COSSA CHE TE GHÈ IMPARÀ?
Geovà el resta tanto contento de veder che doperemo el nostro tempo, forsa e soldi par giutar la congregassion e i nostri fradei.
Sito bon de ricordarte?
-
Come che podemo doperar del nostro tempo e forsa par far i laori nela congregassion e par giutar i fradei?
-
Come che podemo doperar i nostri soldi e le robe che ghemo par giutar nela congregassion?
-
De che maniere te vol giutar nela congregassion?
VUTO SAVER DE PI?
Varda parché che Dio no’l ne domanda pi de dar el dìsimo.
“Sarà che la Bìblia la dise che ghemo de pagar el dìsimo?” (Varda nel jw.org)
La Bìblia dise che i fradei i ga arquante responsabilità. Ma cossa far se dele volte una sorela la ga de tenderle?
“La autorità che i ansiani i ga nela congregassion” (La Sentinela, febraro de 2021)
Varda come arquante Testimònie de Geovà le ga mostrà coraio par portar le publicassion ai so fradei.
Publicassion bìbliche le va fin la parte pi distante del Congo (4:25)
Varda parché che el laoro dele Testimònie de Geovà l’è difarente dele altre religion.
“Come che se paga le spese dela òpera dele Testimònie de Geovà?” (Varda nel jw.org)
Te piaserà de veder anca questo
DOMANDE FATE DE PI
Come che se fà el stùdio dela Bìblia cole Testimònie de Geovà?
Par studiar cole Testimònie de Geovà te pol doperar la Bìblia che te vol. Te pol ciamar tuta la to fameia o i amighi che te vol.
