Una ora o l’altra, tuti i servi de Geovà i ndarà infrontar perseghission o persone che le ne vegnarà contra. Gheto paura de infrontar una roba cossita?

1. Parché che savemo che saremo perseghidi?

La Bìblia la dise: ‘Tuti quei che i vol viver una vita de devossion a Dio come dissìpoli de Cristo Gesù anca i sarà perseghidi.’ (2 Timòteo 3:12) Gesù el ga infrontà perseghission parché no’l fea parte del mondo de Sàtana. Come gnanca noantri no femo parte de questo mondo, savemo che saremo perseghidi par i governi e par le religion. — Gioani 15:18, 19.

2. Come che podemo pareciarse par infrontar perseghission?

Ghemo de fidarse cada volta de pi in Geovà. Come? Ghemo de torse el tempo tuti i giorni par leder la Bìblia e par pregar e vardar a tute le riunion. Cossita, gavaremo el coraio che ne ocore par infrontar perseghission, ancora che sìpia de persone dela nostra fameia. El esémpio del apòstolo Paolo el pol giutarne tanto. Lu el ga sofrio tanta perseghission, e el ga dito: ‘Geovà l’è quel che me giuta, no gavarò mia paura.’ — Ebrei 13:6.

Nantra roba che pol giutarne a gaver coraio la ze sempre ndar ala predicassion. Cossita, ndaremo fidarse ancora de pi in Geovà e saremo boni de dàrghene fora cola paura dei òmini. (Proverbi 29:25) Se ghemo el coraio par seitar a predicar adesso, saremo anca boni de farlo se el governo el ne domanda de fermarse. — 1 Tessalonissensi 2:2.

3. Parché che seitar a perseverar l’è bon par noantri?

L’è vera che nissun ghe piase esser perseghio. Ma quando semo boni de perseverar, la nostra fede e la nostra amicìssia con Geovà le resta pi forte. Parché? Parché vedemo che lu el ne dà la forsa che ne ocore par ndar avanti. (Ledi Tiago 1:2-4.) Anca se Geovà el resta tanto disgustà de vederne sofrir, lu el resta tanto contento de saver che semo drio perseverar. La Bìblia la dise: ‘Se valtri sì drio sofrir parché fé quel che l’è giusto, Dio el resta tanto contento.’ (1 Piero 2:20) Geovà el promete che quei che i seita a perseverar i viverà par sempre nte un mondo sensa perseghission. — Mateo 24:13.

 IMPARA DE PI!

4. Te pol perseverar anca se la to fameia la te vien contra

Gesù el gavea dito che fursi la nostra fameia no la volaria che servisseno a Geovà. Ledé Mateo 10:34-36, e dopo, parlé sora questo:

• Cossa che pol suceder quando qualchedun el desside servir a Geovà?

5. Seita a adorar a Geovà anca se te infronti perseghission

 6. Geovà el ndarà giutarte a perseverar

 COSSA CHE TE GHÈ IMPARÀ?

Geovà el resta tanto contento quando el vede che semo drio servirlo anca se infrontemo perseghission. Podemo esser sicuri che, col so aiuto, semo boni de perseverar!

Sito bon de ricordarte?

• Parché che quei che i serve a Geovà i sa che i sarà perseghidi?

• Cossa che te pol far adesso par esser parecià par la perseghission?

• Cossa che pol giutarte a esser sicuro che te sì bon de servir a Geovà anca con perseghission?