Te sì bon de vinser!

L’È RIVÀ la ora de esser coraioso e far qualcossa. (1 Cróniche 28:10) Che altre robe te pol far par esser bon de fermarte de fumar?

Scoli un giorno. El Departamento de Salute e Servissi Umani, dei Stati Unidi, el parla che, dopo che la persona la ga dessidio fermarse de fumar, no la ga de spetar de pi de che due stimane par far quel che la ga dessidio. Cossita la persona no la ndarà perder la so motivassion. Scoli un giorno nel to calendàrio, parlaghe ai to amighi e no stà cambiar el giorno, no importa quel che suceda.

Meti par scrito. Scrivi nte un papel robe che podarà giutarte a seitar motivà, come:

● I motivi che te ghè par fermarte

● El nùmero de telèfono dele persone che te pol domandar aiuto sempre che te ghè voia de fumar

● Consili — fursi testi dela Bìblia come Gàlati 5:22, 23 — che i ndarà giutarte a seitar nel to ogetivo

Gàpia sempre insieme de ti quel che te ghe mestesto par scrito e ledi tante volte al giorno. Ancora che no te fumi pi, va in serca de quel che te ghè metesto par scrito sempre che vien fora la voia de fumar.

Paréciate vanti. Càmbia la to rotina vanti del giorno che te ghè scoliesto par fermarte de fumar. Par esémpio, se te fumi pena dopo che ti te desmìssi ala matina, proa fumar una o due ore dopo. Se ti te fumi intanto che te magni o pena dopo, férmate de far cossita. No stà ndar in posti ndove ghen’è persone che le fuma. E, quando te sì ti sol, proa dir in voce alta: “Nò, gràssie. Me go fermà de fumar.” Se te fè quel che ghemo parlà fin adesso, te sarè pi parecià par el giorno che te ghè scoliesto. Anca, te giutarà a ricordar che presto te sarè una persona che no la fuma pi.

Altre robe importante. Quando el giorno che te ghè scoliesto l’è drio rivar, parecia robe che te pol magnar nel posto del sigro, come tochi de carote, mandolini, e cose cossita. Giuta i to amighi e la to fameia a ricordar el giorno che te ghè scoliesto par fermarte de fumar e dighe a lori come che i pol giutarte. Vanti de rivar el giorno, buta via i porta-sendre, i scheri e qualche altra tràpola, come sigri che te ghè ntela casa, nel auto, nele scarsele o nel to laoro. Sicuro che l’è pi fadiga domandar un sigro al to amigo o comprar una cartera de sigri de che ciapar un sigro che te ghè metesto via! Anca, seita domandar el aiuto de Dio, e fà ancora de pi sùpliche dopo che ti te ghè fermà de fumar. — Luca 11:13.

Tante persone le ze state bone de “finir la amicìssia” col sigro, un amigo falso e crudel. Anca ti te pol vinser. Una bona salute e una sensassion de libertà che mai te ghè sentio le te speta.

[Stampa]

Gàpia quel che te ghè metesto par scrito sempre insieme con ti e ledi arquante volte par giorno