Gheto ledesto le reviste La Sentinela de questo ano? Alora, proa risponder a queste domande:

Come ghemo de tratar quei che i ze untadi?

L’è sicuro che lori i ze un bel esémpio de fede, ma noantri no volemo dar massa atension a lori. Noantri no volemo tratarli meio che i altri. (Giuda 16, vedi anca la nota.) Noantri anca no ghe femo domande sora la so speransa. — Sentinela 01/20 pàg. 29.

Come che te pol esser sicuro che Geovà el te cognosse?

La Bìblia la mostra che, ancora vanti de nasser, Geovà belche el te cognossea. Geovà anca el scolta ale to orassion e el cognosse quel che te pensi e quel che te senti. Quel che te fè pol assarlo contento o anca disgustà. (1 Cró. 28:9; Pro. 27:11) Geovà el te ga giutà a rivarte pi darente de lu. — Sentinela 02/20 pàg. 12.

Quando ghemo de parlar e quando ghemo de taser?

Noantri restemo contenti de parlar sora Geovà ale persone. Noantri anca parlemo par giutar a qualchedun che l’è drio far qualcossa sbaliada. I ansiani i dà consili ai altri quando ghe vol. Ma noantri no parlemo de come che la ze la òpera nei paesi che i nostri fradei no i ze lìberi par adorar a Geovà e gnanca sora quel che no ghemo permission de parlar. — Sentinela 03/20 pàg. 20-21.

Chi che le ze le cavalete de Gioel, capìtolo 2, e le cavalete de Apocalisse, capìtolo 9?

Gioel 2:20-29 el dise che Geovà el mandaria via le cavalete e el ndaria rangiar su quel che lore le gavea rovinà. Dopo, Geovà el ndaria dar el so spìrito santo. Questa professia la se ga realisà quando Babilònia la ga destruto Gerusalen e anca dopo de questo. Le cavalete de Apocalisse 9:1-11 le ze i untadi che i parla che Geovà el ndarà giulgar questo mondo rugno. Alora, i nemighi de Dio i resta pròpio inrabiadi coi untadi. — Sentinela 04/20 pàg. 3-6.

Chi che l’è el rè del nort ancoi?

La Rùssia e quei che i ze insieme a ela. Lori i proa intrigar el pòpolo de Dio de predicar e i mostra che i òdia le Testimònie de Geovà. El rè del nort l’è drio barufar contra el rè del sud. — Sentinela 05/20 pàg. 13.

Sarà che le fà parte del fruto del spìrito sol le qualità de Gàlati 5:22, 23?

Nò. El spìrito santo el ne giuta a gaver altre bele qualità, come la giustìssia. (Efe. 5:8, 9) — Sentinela 06/20 pàg. 17.

Cossa che ghemo de pensar quando metemo qualcossa sora noantri nele rede sossiai?

Sarà che i altri i ndarà pensar che son drio farme veder e che no son ùmile? — Sentinela 07/20 pàg. 6-7.

Cossa che noantri podemo imparar dei bravi pescadori?

Bravi pescadori i va pescar nela ora che i pol ciapar de pi pessi e nei posti giusti. Lori anca i sa doperar ben quel che i ga par pescar e i ze coraiosi parché i laora anca quando l’è tanto difìcile. Noantri podemo far come lori nela predicassion. — Sentinela 09/20 pàg. 5.

Come che noantri podemo giutar i studianti a amar cada volta de pi a Geovà?

Podemo incoraiarli a leder la Bìblia tuti i giorni e a pensar sora quel che lori i lede. Podemo anca insegnarghe a pregar a Geovà. — Sentinela 11/20 pàg. 4.

Chi che i ze tuti quei che “par causa del Cristo, i riceverà la vita”? — 1 Cor. 15:22.

Paolo no’l ga dito che tute le persone le saria ressussitade. In questo testo, la parola “tuti” la ze drio parlar dei untadi, che i ze stati “santificadi come dissìpoli de Cristo Gesù”. (1 Cor. 1:2; 15:18) — Sentinela 12/20 pàg. 5-6.

Cossa che i untadi i ndarà far nel cielo dopo de esser ‘trasformadi nte un sarar de oci, durante la ùltima trombeta’? — 1 Cor. 15:51-53.

Lori i ndarà seghir a Gesù e i ndarà governar le nassion con un baston de fero. (Apo. 2:26, 27) — Sentinela 12/20 pàg. 13.