Gheto ledesto le reviste La Sentinela de questo ano? Alora, proa risponder a queste domande:

El Salmo 103:8 el parla che Dio el ga tanto amor leal e anca che l’è misericordioso. Cossa che questo ne assa sicuri?

Par causa dela so misericòrdia, Geovà el vol tanto perdonarne, e par causa del so amor leal, lu el ne giuta a infrontar le dificoltà. Noantri podemo far compagno a lu. — Sentinela 01/21 pàg. 21.

Parché che Geovà el ga dato autorità ai altri?

Parché lu el ama i so servi. Cossita, la so fameia la pol viver in pace e felice, e tuto l’è fato dela maniera giusta. Se Geovà no’l gavesse organisà le robe cossita, saria fadiga saver chi che ndaria far le robe e come che le saria fate. — Sentinela 02/21 pàg. 3.

Parché che ghemo de star atenti quando parlemo coi altri par meso dela internet?

Arquanti i fà grupi nela internet con tante persone par parlarse. Ma ghemo de star atenti con chi ndemo parlar. (1 Tim. 5:13) No ghemo mai de doperar la internet par contar busie o par doperar i nostri fradei par guadagnar soldi. — Sentinela 03/21 pàg. 31.

Parché che Gesù el ga bio de sofrir e morir?

Primo, Gesù l’è stà picà su nte un pal par liberar i giudei dela maledission. (Gàl. 3:10, 13) Secondo, Geovà el ga assà che el so fiol el sofrisse cossita parché el volea pareciarlo par esser el nostro somo sasserdote. E terso, Geovà el ga anca assà el so fiol sofrir cossita par mostrar che Sàtana no l’era mia giusto. (Giò 1:9-11) — Sentinela 04/21 pàg. 16-17.

Cossa che pol giutarne a seitar a predicar contenti quando l’è fadiga catar le persone?

Podemo proar parlar cole persone in tante ore difarente, o in posti difarenti. Podemo anca proar predicar de altre maniere. Par esémpio, podemo scriver carte. — Sentinela 05/21 pàg. 15-16.

Cossa che Paolo el volea dir quando el ga dito: “Par meso dela lege mi son morto par la lege”? (Gàl. 2:19)

La Lege de Moisè la ga mostrà che le persone le era imperfete e la ze stata bona de far el pòpolo rivar al dissendente. (Gàl. 3:19, 24) Alora, quando Paolo el ga dito che l’era morto par la lege, lu el volea dir che no’l gavea pi de obedir ala lege de Moisè. — Sentinela 06/21 pàg. 31.

Cossa podemo imparar cola perseveransa de Geovà?

Geovà l’è drio mostrar perseveransa de arquante maniere. Par esémpio, el so nome l’è drio esser disonorà, tanti i ze restadi contra lu e el so governo, arquanti dei so fioi no i ga volesto pi obedirlo e Sàtana el seita a dir busie sora lu. Lu anca l’è drio mostrar perseveransa quando el vede che i so cari servi leai i sofre e i more, che tanti i patisse par causa dei rugni, e che le persone le ze drio rovinar la Tera. — Sentinela 07/21 pàg. 9-12.

Cossa imparemo cola passiensa de Giusepe?

Giusepe el ga sofrio parché i so fradei no i lo ga tratà con giustìssia e parché l’è stà metesto in preson nel Egito par causa de una roba che no’l ga fato. Ma anca cossita, lu el ga seità a far quel che l’era giusto. — Sentinela 08/21 pàg. 12.

Sora che sgorlon Ageo 2:6-9, 20-22 el parla?

Le nassion no le ze drio scoltar le bone notìssie. Ma ancora cossita, tante persone le ze drio scominsiar a far quel che Geovà el vol. Suito Geovà el ndarà dar el ùltimo sgorlon ntele nassion quando le sarà destrute. — Sentinela 09/21 pàg. 15-19.

Parché che no ghemo de fermarse de predicar?

Geovà el vede che semo drio sforsarse e el resta contento con noantri. Se no se fermemo de predicar, podaremo viver par sempre. — Sentinela 10/21 pàg. 25-26.

Come el capìtolo 19 de Levìtico ne giuta a meter in pràtica quel che dise in 1 Piero 1:15: ‘Gavé de esser santi in tuto quel che valtri fé’?

Questo versìcolo el parla dela medèsima roba che Levìtico 19:2. El capìtolo 19 el mostra arquante maniere de meter in pràtica 1 Piero 1:15. — Sentinela 12/21 pàg. 3-4.