Gheto ledesto le reviste La Sentinela de questo ano? Alora, proa risponder a queste domande:

Come che podemo ‘far nova la nostra maniera de pensar’? (Rom. 12:2)

Ghemo de far de pi che sol arquante robe bone. Ne ocore vardar quel che semo par rento e cambiar quel che ne ocore par assar Geovà contento. — Sentinela 01/23 pàg. 8-9.

Come podemo veder dela maniera giusta quel che l’è drio suceder nel mondo?

Ancora che volemo star atenti a quel che l’è drio suceder nel mondo, no ghemo mia de proar indovinar se una professia la ze drio suceder. Se femo cossita, podemo rovinar la union dela congregassion. Alora, quando parlemo sora le professie, ghemo de parlar sora quel che l’è belche scrito nele publicassion dela organisassion de Geovà. (1 Cor. 1:10) — Sentinela 02/23 pàg. 16.

Come che el batésimo de Gesù l’è difarente de quel dei so dissìpoli?

Gesù l’era belche nassesto nte una nassion dedicada a Dio. Par quela, no ghe ga tocà dedicarse a Geovà. E lu no’l ga bio de ciamarse gramo dei so pecati parché lu l’era perfeto e sensa pecato. — Sentinela 03/23 pàg. 5.

Come che podemo giutar i nostri fradei a comentar nele riunion?

Podemo far un comentàrio pìcolo e no parlar massa robe del paràgrafo. Cossita, ghen sarà tempo par i altri comentar e parlar dele altre robe che ghen’è nel paràgrafo. — Sentinela 04/23 pàg. 23.

Cossa che l’è la “Strada dela Santità” che Isaia 35:8 el parla?

Geovà el ga ciamà cossita la strada che i israeliti che i era in Babilònia i doperaria par tornar ala so tera. Nei nostri giorni, arquante persone le ga parecià questa strada. Cossita, anca noantri podemo caminar nela “Strada dela Santità” e viver in Paradiso. — Sentinela 05/23 pàg. 15-19.

Cossa che imparemo de Proverbi capìtolo 9?

Proverbi capìtolo 9 el mostra che quei che i ghe va drio la ‘dona stùpida’ i more e quei che i ghe va drio la ‘dona che la ga sabedoria’ i fà bone dessision e i pol viver par sempre. (Pro. 9:1, 6, 13, 18) — Sentinela 06/23 pàg. 22-24.

Come che Geovà l’è stà ùmile quando Lò el ghe ga domandà una roba?

Geovà el gavea dito a Lò che lu el gavea de scampar par le montagne. Quando Lò el ga domandà de ndar ala cità de Zoar, Geovà el ga assà che el ndesse. — Sentinela 07/23 pàg. 21.

Cossa che una dona la pol far se so omo el varda pornografia?

Ela la ga de ricordarse che no la ga colpa de quel che so omo l’è drio far. Anca la ga de sforsarse par far pi forte la so amicìssia con Geovà e pensarghe sora stòrie de done dela Bìblia che le ga pregà a Geovà par gaver consolo. La dona la pol giutar el so omo a fermarse de vardar pornografia. — Sentinela 08/23 pàg. 14-17.

Cossa che ghemo de far quando qualchedun el ne fà una domanda sora quel che credemo?

Ghemo de pensar parché che el ne ga fato quela domanda e veder come una oportunità de saver cossa che el pensa. Cossita, saremo boni de risponderghe con bontà e calma. — Sentinela 09/23 pàg. 17.

Cossa che podemo imparar del aiuto che Maria la ga ricevesto?

Quando Maria la ga savesto che la saria mare del Messia, ela la ze ndata in serca del aiuto dei altri. Cossita, Elisabete e el àngelo Gabriel la ga incoraiada par meso dele Scriture. Anca noantri podemo ricever el aiuto che ne ocore par meso dei fradei. — Sentinela 10/23 pàg. 15.

Come che Geovà el risponde ale nostre orassion?

Lu el promete che sempre el ndarà scoltarne e veder se quel che ghe domandemo l’è de acordo cola so volontà. (Ger. 29:12) Geovà el pol risponderne de diverse maniere, ma podemo esser sicuri che sempre el ndarà giutarne. — Sentinela 11/23 pàg. 21-22.

In Romani 5:2, Paolo el gavea parlà dela “speransa”. Alora parché che lu el ga parlà nantra volta dela “speransa” nel versìcolo 4?

Quando qualchedun el impara sora le promesse dela Bìblia, lu el scomìnsia a gaver la speransa de viver par sempre qua nela Tera. Ma dopo che lu el infronta dificoltà, l’è bon de perseverar e el capisse che el ga assà Geovà contento, la so speransa la deventa ancora pi forte. — Sentinela 12/23 pàg. 12-13.