1. Come che la era la fameia de Tiago?

TIAGO, fradel de Gesù, l’è stà slevà nte una fameia che la amea e la servia a Geovà. * Par esémpio, Giusepe e Maria, che i era i so genitori, i amea tanto a Geovà e i fea el meio che i podea par servir a lu. El so fradel pi vècio, Gesù, l’è deventà el Messia. Sicuro che esser slevà nte una fameia cossita l’è stà una benedission par Tiago!

2. Cossa che Tiago el vedea che el so fradel pi vècio el fea?

² Tiago el vedea le bele robe che Gesù el fea e el parlea. (Mat. 13:55) Par esémpio, quando Gesù el gavea 12 ani, lu el cognossea tanto ben le Scriture che i istrutori in Gerusalen i ze restadi maraveiadi con lu. (Luc. 2:46, 47) Pol esser che Tiago el ga laorà insieme con Gesù come marangon. Se questo ga sucedesto, lu el ga cognossesto tanto ben a Gesù. Varda cossa che el fradel Nathan Knorr el parlea arquante volte: “Quando te laori insieme con una persona, te pol cognosserla tanto ben.” * Sicuro che Tiago el vedea che Gesù l’era drio vegner cada volta pi grando, pi sàbio e che el gavea cada volta de pi la aprovassion de Dio e dei òmini. (Luc. 2:52) Cossita, saria fàcile pensar che Tiago el ndaria deventar un dei primi dissìpoli de Gesù. Ma no l’è mia stà questo che ga sucedesto.

3. Cossa che Tiago el ga fato quando Gesù el ga scominsià a predicar?

³ Tiago no l’è deventà un dissìpolo intanto che Gesù l’era drio predicar qua nela Tera. (Gioani 7:3-5) Fursi Tiago l’era un de quei che parlea che Gesù l’era drio deventar mato. (Mar. 3:21) Noantri anca capimo che Tiago no l’era insieme cola so mare, Maria, quando Gesù l’è stà picà su nel pal. — Gioani 19:25-27.

4. Cossa che ndaremo veder in questo stùdio?

 ⁴ Dopo de un tempo, Tiago el ga scominsià a gaver fede in Gesù e l’è deventà un dissìpolo. Lu l’è anca deventà ansiano e el ga fato tanti laori nela congregassion. In questo stùdio, ndaremo veder due robe che podemo imparar de Tiago: (1) parché che ghemo de seitar a esser ùmili e (2) come podemo insegnar ancora meio.

5. Dopo che Gesù l’è stà ressussità, lu el se ga fato veder a Tiago e ai apòstoli. Cossa Tiago el ga fato dopo che lo ga visto?

⁵ Come ghemo visto, Tiago l’è deventà dissìpolo de Gesù. Quando che questo ga sucedesto? Dopo che Gesù l’è stà ressussità e el se ga fato veder a Tiago e a tuti i altri apòstoli. (1 Cor. 15:7) Alora, lu l’era anca insieme dei altri apòstoli in Gerusalen quando i ga ricevesto spìrito santo. (Ati 1:13, 14) Dopo, lu l’è anca deventà parte del Corpo Governante de quela època. (Ati 15:6, 13-22; Gàl. 2:9) E vanti del ano 62, Geovà el ghe ga dato spìrito santo par scriver ai untadi la carta che la ga el so nome. Fin ancoi, tuti quei che i ga la speransa de viver nel cielo o nela Tera i impara tanto de questa carta. (Tiago 1:1) De acordo col studioso de nome Giosefo, el somo sasserdote Anania, fiol de Anà, el ga mandà copar Tiago. Tiago l’è stà fedele a Geovà fin la so morte.

6. Parché che Tiago l’era difarente dei lìderi religiosi de quel tempo?

⁶Tiago l’era ùmile. Parché che podemo dir questo? Parché quando Tiago el ga visto le prove che Gesù l’era el Messia, lu el ga credesto. Tiago el ga fato una roba tanto difarente dei pi importanti sasserdoti de quel tempo. Par esémpio, quei sasserdoti i savea che Gesù el gavea ressussità Làsaro, ma no i ga volesto creder che Geovà lo gavea mandà. Invesse, i ga volesto copar Gesù e anca Làsaro. (Gioani 11:53; 12:9-11) Quando Gesù l’è stà ressussità, lori no i volea che le persone lo savesse. (Mat. 28:11-15) Quei lìderi religiosi no i ga volesto creder che Gesù l’era el Messia parché i gavea tanto orgòlio

7. Parché che no ghemo de esser orgoliosi?

⁷Cossa che podemo imparar? Ghemo de esser ùmili e assar che Geovà el ne insegne. Ghemo de star tanto atenti parché se deventemo orgoliosi no voleremo pi obedir a Geovà. L’è stà questo che ga sucedesto coi farisei del passà. Lori i gavea prove che Gesù l’era el Fiol de Dio, ma par causa del orgòlio, lori no i ga volesto creder. (Gioani 12:37-40) Alora, lori i ga perso la so amicìssia con Geovà e no i podarà viver par  sempre. (Mat. 23:13, 33) La medèsima roba la pol suceder con noantri. Alora, ghemo de assar che la Bìblia e el spìrito santo de Geovà i càmbie la nostra maniera de pensar e de far le robe. Cossita, sarà pi fàcile far bone dessision! (Tiago 3:17) Tiago l’era ùmile e, par causa de questo, lu el ga assà che Geovà lo giutesse a cambiar quel che el gavea de bisogno e el ga imparà a insegnar tanto ben. Vedemo cossa che ancora podemo imparar de Tiago.

8. Cossa che pol giutarne a insegnar ben?

⁸ I lìderi religiosi i vedea a Tiago e a altri apòstoli, come Piero e Gioani, come òmini sensa stùdio. (Ati 4:13) Anca che Tiago no’l gavea tanto stùdio, lu el ga imparà a insegnar tanto ben. Podemo veder questo quando ledemo el libro dela Bìblia che lu el ga scrito. Cossa podemo imparar? Anca che no ghemo tanto stùdio, podemo insegnar ben ai altri. Come? Col aiuto del spìrito santo de Geovà e con quel che la so organisassion la ne insegna. Ndemo veder parché che Tiago el insegnea tanto ben e cossa che podemo imparar de lu.

9. Come che Tiago el insegnea?

⁹Tuti i era boni de capir quel che Tiago el parlea e el spieghea. Alora, le persone che lo scoltea le savea cossa che le gavea de far e come farlo. Par esémpio, Tiago el ga insegnà che una persona la pol tribolar e anca cossita no deventar trista. Varda cossa el ga dito: “Noantri consideremo felici quei che i ga perseverà. Valtri gavé scoltà sora la perseveransa de Giò e savé dele benedission che Geovà el ghe ga dato. Geovà el ga tanta afession e misericòrdia.” (Tiago 5:11) Cossita, Tiago el ga doperà la Parola de Dio par giutar le persone a capir che Geovà sempre el benedisse quei che ze leai compagno a Giò. Alora, Tiago sempre el insegnea de una maniera che tuti i era boni de capirlo e sempre el doperea la Parola de Dio. Par causa de questo, lu el dea onor a Geovà e nò a lu stesso.

10. Come podemo far compagno a Tiago quando insegnemo ai nostri studianti sora Geovà?

¹⁰Cossa che podemo imparar? Ghemo de doperar sempre la Bìblia e insegnar de una maniera che tuti i ndarà capir. Quando insegnemo ai altri, volemo mostrar che l’è Geovà che el sa de tute le robe e che el ne  ama tanto. (Rom. 11:33) Alora, ghemo de doperar sempre la Bìblia quando ndemo insegnar ai altri. Par esémpio, quando un studiante el ga de far una dessision, l’è meio doperar un esémpio dela Bìblia invesse de parlar quel che noantri farìssino. Alora, lu el ndarà capir quel che Geovà el sente e el pensa sora la dessision che lu el ndarà far. Cossita, i nostri studianti i ndarà capir che el pi importante l’è contentar a Geovà e nò a noantri.

11. (a) Che problema arquanti fradei i gavea? (b) Che consili Tiago el ghe ga dato? (Tiago 5:13-15)

¹¹Tiago el capia le dificoltà che i so fradei i infrontea. Quando ledemo la carta de Tiago, vedemo che el cognossea tanto ben i so fradei e le dificoltà che i infrontea. Par esémpio, a tanti fradei ghe metea de pi tempo par meter in pràtica arquanti consili. (Tiago 1:22) Altri fradei i tratea meio quei che i era siori. (Tiago 2:1-3) Arquanti no i pensea prima de parlar qualcossa e i parlea robe rugne ai altri. (Tiago 3:8-10) Lu el vedea quel che i fradei i fea e li capia, ma anca el savea che i podea cambiar. L’è vera che Tiago l’è stà bondoso coi so fradei, ma lu el ga parlà pròpio quel che i gavea de bisogno. Lu el ga anca incoraià i fradei a domandar el aiuto dei ansiani par cambiar quel che ghe ocorea. — Ledi Tiago 5:13-15. *

12. De cossa ghemo de esser sicuri?

¹²Cossa che podemo imparar? Ghemo de capir i problemi che i altri i infronta par servir a Geovà, e esser sicuri che i sarà boni de cambiar quel che ghe ocore. Ghemo de capir che a arquanti studianti i ghe fà fadiga meter in pràtica quel che i impara dela Bìblia. (Tiago 4:1-4) Ma anca cossita, ghemo de far come Tiago e dirghe quel che i ga bisogno de cambiar. Pol esser che ghe mete de pi tempo par fermarse de far robe sbaliade e scominsiar a gaver le qualità che ghe piase a Geovà. Ma ghemo de esser sicuri che Geovà el ndarà giutar quei che i ze ùmili a cognosserlo e darghe forsa par cambiar quel che i ga de bisogno. — Tiago 4:10.

13. Cossa che Tiago el pensea de lu stesso? (Tiago 3:2)

¹³Tiago no’l pensea che l’era meio che i altri. Tiago l’era fradel de Gesù e el gavea tanti laori de far nela congregassion. Anca cossita, lu no’l ga mai pensà che l’era meio che i altri. Invesse, lu el ga dito che tuti i era come fradei par lu e che li amea tanto. (Tiago 1:16, 19; 2:5) Tiago anca no’l volea che i altri i pensesse che mai el sbaliea. Lu el ga dito: “Tuti noantri sbaliemo tante volte.” — Ledi Tiago 3:2. *

14. Parché che l’è importante parlar ai studianti che anca noantri sbaliemo?

¹⁴Cossa che podemo imparar? Ghemo de ricordarse che tuti noantri sbaliemo. No podemo pensar che semo meio che i nostri studianti e gnanca farli pensar che mai sbaliemo. Parché? Parché se femo questo, lori i ndarà restar desanimadi e i ndarà pensar che mai i sarà boni de far quel che Dio el vol. Ma come podemo giutarli a capir che i pol meter in pràtica quel che i impara? Podemo spiegarghe che anca noantri ghemo bio de sforsarse par far quel che la Bìblia la dise e come che Geovà el ne ga sempre giutà.

15. Come le era le ilustrassion de Tiago? (Tiago 3:2-6, 10-12)

¹⁵Tiago el doperea ilustrassion par giutar le persone a capir quel che lu el ghe insegnea. Sicuro che lu el gavea el aiuto del spìrito  santo de Geovà. Ma podemo anca creder che lu el ga imparà cole ilustrassion del so fradel Gesù. Nela carta che Tiago el ga scrito, podemo veder che el doperea ilustrassion tanto fàcile de capir e che le giutea le persone a meter in pràtica quel che le imparea. — Ledi Tiago 3:2-6, * 10-12. *

16. Parché che ghemo de far bone ilustrassion?

¹⁶Cossa che podemo imparar? Ghemo de doperar ilustrassion par giutar i altri a capir quel che semo drio insegnarghe. Se doperemo una ilustrassion giusta, giutemo le persone a capir e a ricordarse meio de quel che semo drio insegnarghe. Le ilustrassion de Gesù le fea pròpio questo. Gesù el ga contà le meio ilustrassion che ghen’è e sicuro che Tiago el ga imparà tanto con lu. Vedemo adesso una ilustrassion che Tiago el ga contà e parché che la ze stata tanto bona.

17. Parché la ilustrassion de Tiago 1:22-25 la ze tanto bona?

¹⁷ Ledi Tiago 1:22-25. * Parché che questa ilustrassion che Tiago el ga contà la ze tanto bona? Prima, parché Tiago el savea cossa che lu el volea insegnar ale persone con questa ilustrassion. Lu el volea insegnarghe che le gavea de leder la Parola de Dio, ma anca meter in pràtica quel che le imparea. Seconda, parché Tiago el ga doperà un spècio par far la ilustrassion, che l’era  una roba che tuti i cognossea. E cossa che lu el volea insegnarghe? Se lore le ledesse la Bìblia e le vedesse che ghe tochea cambiar qualcossa, le gavea de farlo. Se no le fesse, le saria come una persona che la varda la so fàcia sporca nte un spècio e no la fà gnente par netarla.

18. De che tre robe ghemo de ricordarse par far bone ilustrassion?

¹⁸ Come podemo far bone ilustrassion come Tiago? Podemo far tre robe: (1) Ghemo de scòlier una ilustrassion che la va giutar el studiante a capir quel che semo drio insegnarghe. (2) Ghemo de far ilustrassion con robe che le persone le cognosse ben. (3) Ghemo de parlar pròpio quel che la ilustrassion la insegna. Ma se te pensi che l’è fadiga far una ilustrassion, te pol doperar el Índice das Publicações da Torre de Vigia. Va in “Ilustrações” e lì, te catarè arquante che te pol doperar. Podemo dir che la ilustrassion la ze come in micròfono. Come cossita? Quando ghen’è tante persone insieme e una la parla nte un micròfono, tuti la scolta invesse de quele altre. Alora, ghemo de star atenti par doperar la ilustrassion nela parte che volemo che el studiante el se ricorde de pi. Sicuro che volemo sforsarse par insegnar tanto ben ale persone. Femo cossita, nò par farse veder, ma par giutarle a far parte dela fameia de Geovà.

19. Come podemo mostrar che ghe demo valor ai nostri fradei?

¹⁹ Noantri no ghemo un fradel perfeto come Tiago el gavea, ma servimo a Geovà insieme coi nostri cari fradei. Noantri mostremo che li amemo e che ghe demo valor quando imparemo con lori, predichemo e passemo tempo insieme. Se se sforsemo de far come Tiago, ndaremo dar onor a Dio e giutar le persone a esser amighe del nostro Pare, Geovà.