Fursi, anca ti te fà fadiga tegner in mente quel che te studi. Ma gheto visto come te sì bon de ricordarte de quel che Gesù el ga insegnà? Semo boni ricordarse parché lu el doperea tante ilustrassion. Dela stessa maniera, te sarè bon de tegnerte in mente quel che te studi se te proi imaginar quel che te sì drio leder. Come che te pol farlo? Intanto che te sì drio imparar te pol far desegni de quel che te ghè imparà.

Le persone che le desegna robe nove che le ze drio imparar le se ricorda de pi de quel che le ga studià. Desegnar ghe giuta a capir meio no sol le parole ma anca le idee prinsipai de quel che le ze drio imparar. Ma no te ocore far desegni perfeti. Invesse, proa far un desegno sémplisse. I studiosi i dise che fin le persone pi vècie le se ricorda de pi de quel che le stùdia quando le fà desegni.

Alora, la pròssima volta che te studi, proa far un desegno de quel che te ghè imparà. Te restarè maraveià de veder quante robe te sì bon de tegnerte in mente!